I dërguari i Bashkimit Evropian për dialogun Kosovë-Serbi, Miroslav Lajçak ka deklaruar se po përgatiten për t’u takuar me kryeministrin e Kosovës, Albin Kurti dhe presidentin e Serbisë, Aleksandar Vuçiq, më 14 shtator në Bruksel.

Përmes një postimi në Facebook, Lajçak ka zbuluar fokusin e bisedave të tij me Kurtin e Vuçiçin  gjatë kësaj jave.

Me Kurtin ai është takuar në Bled të Sllovenisë këtë javë, ndërsa me Vuçiçin është takuar në Beograd.

Në takimin me Kurtin, i dërguari i BE-së ka ngritur shqetësimin rreth situatës në veri të Kosovës dhe gjetjen e një gjuhe të përbashkët për të zgjidhur mosmarrëveshjet mes dy vendeve.

“Në Bled, unë kisha takim me kryeministrin e Kosovës, Albin Kurti. Ne biseduam për përgatitjet për takimin e radhës të nivelit të lartë në shtator, me përqendrim te normalizimi i marrëdhënieve dhe zbatimi i deklaratës së BE-së të 3 qershorit. Po ashtu kam ngritur shqetësimin rreth situatës në veri të Kosovës”, ka shkruar Lajçak.

Gjatë takimit me dy liderët, Miroslav Lajçak u ka kujtuar dy shteteve se marrëveshjet e dialogut janë të vlefshme dhe duhet zbatuar plotësisht dhe pa vonesa.

“Nga Bledi, udhëtova në Beograd, ku u takova me presidentin e Serbisë, Aleksandar Vuçiq. Kemi biseduar në detaje për përpjekjet për ulje të tensioneve dhe mbajtje të zgjedhjeve të reja në veri të Kosovës, si dhe zbatimin e gjitha marrëveshjeve të dialogut. Ua kam kujtuar të dy liderëve se gjitha marrëveshjet e dialogut mbesin valide dhe detyruese për të dyja palët dhe duhet zbatuar plotësisht dhe pa kushte apo vonesa. Diskutimet tona do të vazhdojnë dhe po bëhemi gati për takimin e liderëve në Bruksel më 14 shtator për një rund të ri të dialogut të nivelit të lartë”, ka shkruar Lajçak.

M.T/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Prill, 10:21

    Nafta arrin në 224 lekë/litri, a është e mjaftueshme vetëm ulja e akcizës?

Lajme të tjera