Përfaqësues nga rreth 40 vende të botës u mblodhën në kryeqytetin gjerman të martën për Dialogun e Klimës. Takimi dyditor është një hap kyç negociues në prag të konferencës ndërkombëtare të klimës të këtij viti në Dubai, e njohur si COP28.
Ministrja e Jashtme gjermane Annalena Baerbock bëri thirrje për një objektiv global për zgjerimin e energjive të ripërtëritshme. Ajo tha se G7 ka përcaktuar tashmë objektiva të tillë, por se duhet të ketë synime të detyrueshme në shkallë globale për zgjerimin e prodhimit të energjisë nga era dhe dielli.
“Transformimi në shkallë globale nuk është kyç vetëm për të luftuar kërcënimin më të madh të sigurisë të këtij shekulli. Energjitë e ripërtëritshme janë gjithashtu thelbësore për më shumë drejtësi në mbarë botën dhe transformimi global është në lëvizje të plotë. Në shumicën e vendeve të botës, energjia e ripërtëritshme është tashmë forma e prodhimit të energjisë më e qëndrueshme ekonomikisht", tha ministrja e jashtme gjermane.
Sekretari i Përgjithshëm i Kombeve të Bashkuara, António Guterres u bëri thirrje vendeve pjesëmarrëse që në konferencën e klimës COP28 në fund të vitit në Dubai, të garantojnë fonde për pasojat e ndryshimeve globale.
"Mos harroni një fakt të thjeshtë: fondet për rimëkëmbjen nga dëmet e shkaktuara, kanë të bëjnë me shpëtim jetësh. Mos lejoni që marrëveshja historike e arritur me COP27-ën ta humbë vlerën. Ne e dimë të vërtetën për klimën. Ju lutemi veproni tani”, tha ai.
Dr. Sultan Al Jaber, përfaqësues i Emirateve të Bashkuara Arabe dhe presidenti i emëruar i COP28 që do të zhvillohet atje, bëri thirrje për bashkim të botës për planetin dhe për një zhvillim të qëndrueshëm.
Ai u kërkoi donatorëve të përmbushin një premtim prej 100 miliardë dollarësh për vendet në zhvillim.
"Pritshmëritë janë të larta. Besimi është i ulët. Kjo po pengon përparimin dhe unë u kërkoj vendeve dhuruese që të japin një vlerësim përfundimtar mbi përmbushjen e këtij angazhimi përpara COP28-ës," tha ai.
Ndër vendet pjesëmarrëse në Dialogun e Klimës janë Shtetet e Bashkuara, Kina, India dhe Brazili.
Grupet ambjentaliste janë të shqetësuara se vende si SHBA dhe Emiratet e Bashkuara Arabe ku do të mbahet COP28 mbështesin idenë e eliminimit të dioksidit të karbonit si një mjet për të lejuar vazhdimin e ndoshta edhe zgjerimin e nxjerrjes së naftës dhe gazit. VOA
Lajme të tjera
-
Kur gjermanët nuk blejnë dot dhuratat e Krishtlindjeve
25 Dhjetor, 12:36 -
Gjermani/ Sulmi terrorist nga mjeku në Magdeburg: Autori kishte lënë një testament në makinën e tij, zbulohet përmbajtja
24 Dhjetor, 21:39 -
Enver Robelli: Urrejtësi i myslimanëve goditi me metoda të fanatikëve islamistë
24 Dhjetor, 09:35
-
Gjermani/ Pas ngjarjes në Magdeburg: Sulme ndaj migrantëve
24 Dhjetor, 08:44 -
Autoritetet e reja të Sirisë të hapura për hetimin e krimeve të Assadit
24 Dhjetor, 08:26 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Pas masakrës së Magdeburgut/ Blindohet Greqia, masa të shtuara të sigurisë për 15 ditët e ardhshme
23 Dhjetor, 08:23 -
VIDEO/ Dëmtim i tmerrshëm në basketboll! Nëntë tifozëve u ra të fikët, njëri pësoi atak në zemër
22 Dhjetor, 17:45 -
Sulmi në Gjermani, ekstremistët kërkojnë dëbimin e refugjatëve
22 Dhjetor, 13:28 -
I dyshuari për sulmin në Gjermani përballet me 5 akuza për vrasje
22 Dhjetor, 13:10 -
Jemeni sulmon Izraelin me raketë, 16 të plagosur në Tel Aviv!
21 Dhjetor, 22:50 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48
