POP 5

Lajmet më të lexuara të 5 minutave të fundit

Politikë

Dibër, Idrizi: Do influencojmë
për ndërtimin e  rrugës së Arbërit

Kreu i PDIU Shpëtim Idrizi  është angazhuar për të bërë çdo  gjë për ndërtimin e rrugës së Arbrit.  Deklarata Idrizit  u bë gjatë një takimi me simpatizantët të PDIU në Dibër, ku  po vijon procesi I anëtarësimeve të reja në këtë parti.  VIDEO
Dibër, Idrizi: Do influencojmë<br />për ndërtimin e  rrugës së Arbërit
Partia për Drejtësi Integrim dhe Unitet  vijon fushatën e anëtarësimeve të reja në këtë parti.

Kësaj radhe nga Dibra kreu i PDIU  Shpëtim Idirizi duke vlerësuar  numrin e madh të anëtarësimeve,  ka bërë një premtim për banorët e këtyre zonave kur tha se  forca politike  që ai kryeson do të bëjë gjithçka për ndërtimin e  rrugës së Arbrit e cila lidhe 25 përqind të shqiptarëve.

“Fatkeqëshisht edhe këtu në Dibër realiteti është i ndryshëm. Është e pafalshme që kjo zonë ka njerëz të mrekullueshëm dhe puntorë, që nxjerrin bukën e gojës me punën e tyre, është harruar. E për çfarë?! Duhen 3 orë e gjysëm për ta lidhur Dibrën me kryeqytetin e Shqipërisë. Ka kaq kohë që politika shqiptare iu ka premtuar një rrugë dhe ku jemi?! Ka kaq kohë që politika shqiptare bën studime fizibiliteti se ku do të kalojë rruga.  Po unë e di shumë mirë, se këtë studim fizibiliteti e kanë bërë 100 vjet përpara karvanët me kuaj të dibranëve që e gjenin rrugën më të shkurtër për në Tiranë.  Rruga e Arbërit është një rrugë që lidh 25% të Shqipërisë, është rruga që na lidh me shqiptarët e Maqedonisë. Ky është detyrimi ynë,  ndaj ne bashkë me deputetët e PDIU-së do të bëjmë gjithçka, që kjo rrugë të ndërtohet”, - u shpreh Kryetari i PDIU-së në fjalën e tij.

Idrizi u bëri thirrje shqiptarëve që të anëtarësohen në PDIU, për ta bërë një parti të madhe dhe për të dyfishuar mandatet në zgjedhjet e ardhshme.

“Ne kemi filluar një rrugëtim në gjithë Shqipërinë. Ne i kemi bërë thirrje të gjithë shqiptarëve që të bëhen pjesë e PDIU-së. Të bëhen pjesë e PDIU-së që të thyejmë kufinjtë e partive tradicionale, që i ndajnë shqiptarët në të majtë dhe në të djathtë. Miqët e mi ka ardhur koha që Dibra të ketë deputetin e vet, që nuk komandohet nga Tirana, por komandohet nga zemra, komandohet nga e drejta e dibranëve. Kjo është arsyeja që unë ju ftoj t’i bashkoheni PDIU-së, ta bëjmë një parti të madhe, të bashkohemi, t’i dyfishojmë mandatet, të kemi akoma më tepër forcë.  Ju ftoj të anëtarsoheni në PDIU, sepse ne jemi për bashkim kombëtar, për integrim europian dhe ju premtoj se do ta ngremë lartë dinjitetin e dibranit” – tha Kryetari i Partisë për Drejtësi Integrim dhe Unitet.

Në këtë takim me simpatizantët e PDIU në Dibër  kreu shpëtim Idrizi shoqërohej nga deputetë të kësaj force politike dhe drejtues të  strukturave të partisë.


Redaksia Online
(F.T/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?

Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?

24 Dhjetor, 18:50