Dibër, rreziku i orteqeve
evakuohen 26 familje

DIBËR - Thellohet dhe më tepër emergjenca nga moti i keq, duke sjellë pasoja të rënda dhe nga orteqet. Shtresat e dendura të dëborës të cilat prej afro dy javësh kanë fundosur gjysmën e vendit, kanë shtuar rrezikun e orteqeve. Një situatë kritike është lajmëruar në fshatin Gryknokë në qarkun e Dibrës, ndërsa shtabi i emegjencave ka avakuar 26 familje. Nga këto 26 familje, 10 prej tyre raportohen se janë strehuar në shkollën e fshatit, ndërsa 16 familjet e tjera janë evakuar në banesa të cilat nuk rrezikohen nga orteqet. Këtë lajm e ka konfirmuar dhe prefekti i Qarkut të Dibrës, Genc Sharku, i cili bën të ditur se situata me borën në fshatin Gryknokë sa vjen dhe bëhet më e rrezikshme, për shkak të orteqeve.
(aq/shqiptarja.com)