POP 5

Lajmet më të lexuara të 5 minutave të fundit

Sociale

DigitAlb feston 20 vjetorin!

Gjithçka ishte gati. Pas muajsh të tërë testimesh e pune kolosale, kishte ardhur momenti i shumëpritur. Një ëndërr e guximshme e një njeriu vizionar tashmë po bëhej realitet me lindjen e DigitAlb, pikërisht 20 vite më parë, më 15 Korrik 2004

Gjithçka ishte gati. Pas muajsh të tërë testimesh e pune kolosale, kishte ardhur momenti i shumëpritur. Një ëndërr e guximshme e një njeriu vizionar tashmë po bëhej realitet me lindjen e DigitAlb, pikërisht 20 vite më parë, më 15 Korrik 2004. Në Shqipërinë e 1001 problemeve, në kohën kur shumë skeptikë i thonin se ndoshta nuk ishte ende momenti për këtë hap të madh e të vështirë, Tani i Topit siç e njihnin të gjithë themeluesin e guximshëm të Top Media, ishte shumë i vendosur. “Shqiptarët e duan teknologjinë”, shprehej dhe koha i dha të drejtë. Kur në Europën Perëndimore ishin të pakta vendet me një teknologji të tillë, DigitAlb nisi transmetimin, fillimisht me platformën tokësore, si një produkt 100% shqiptar, me dekoder e menu krejtësisht shqip dhe përmbajtje filmash, serialesh, dokumentarësh, filmash për fëmijë e gjithçka tjetër në shqip, të titruar apo dubluar.

Shumë shpejt DigitAlb u bë pjesë e çdo familjeje shqiptare dhe duke ecur me hapin e kohës, në një kohë rekord shtrirja e DigitAlb u shtri përtej kufijve të Shqipërisë me platformën satelitore. Kudo ku shqiptarët jetonin e punonin, tashmë DigitAlb ishte lidhja e tyre me vendlindjen. Misioni i DigitAlb ishte mbarëkombëtar, duke lidhur e bërë bashkë një komb të tërë, të shtrirë në disa vende. Gjuha e bukur Shqipe u trashëgua, u mësua dhe u fol nga breza të tërë fëmijësh që u rritën me DigitAlb si anëtarin e tyre të pandarë në familje. E bashkë me këta fëmijë u rrit me hapin e kohës edhe DigitAlb, me zhvillimet teknologjike që pasuan, programacionin që u pasurua sipas kërkesave të abonentëve dhe të tregut, duke qëndruar i palëkundur në pozicionin e liderit.

Trashëgimia e kinemasë e artit shqiptar me prodhimet më të spikatura ndër vite, si dhe të tjera prodhime ekskluzive nga DigitAlb janë transmetuar dhe i janë shtuar arkivës, si një pasuri e të gjithëve ne. Kampionatet më të dashura të shqiptarëve, eventet sportive që kanë mbetur në histori, rrugëtimi i Kombëtares Shqiptare, përfaqësueses së Kosovës, klubet shqiptare në arenën europiane të futbollit, sportistët shqiptarë që kanë ngritur lart flamurin e kombit, të gjithë e gjithçka janë shoqëruar vit pas viti drejt sukseseve, me krenari e përkushtimin maksimal nga DigitAlb. Filmat më të fundit, ikonat e arta të kinemasë botërore, serialet e rekordeve të shikueshmërisë, dokumentarët më të ndjekur kanë qënë kryefjala në programacionin e pasur e të larmishëm të DigitAlb, duke sjellë kinemanë në shtëpinë e gjithsecilit e sipas preferencave të çdokujt.

E sot ky 20 Vjetor e gjen platformën më të dashur të shqiptarëve, më të rritur, më të fortë e të shtrirë në mbarë botën. Krahas platformave tokësore e satelitore, DigitAlb prej pak vitesh tashmë, transmeton edhe përmes platformës OTT, risia teknologjike e transmetimit për të shikuar gjithçka që dëshiron, kur ti dëshiron dhe për më tepër në çdo vend të botës përmes internetit, sepse DigitAlb është platforma televizive e të gjithë shqiptarëve. Për të festuar me të gjithë ju, DigitAlb vjen me një ofertë speciale me ulje çmimesh deri në 50%, si asnjëherë më parë. 20 Vjet DigitAlb dhe ky është vetëm fillimi.

M.Q./E.H/Shqiptarja.com
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Përpjekjet e Turqisë për të fituar një rol më të madh ndërmjetës më 2025

Përpjekjet e Turqisë për të fituar një rol më të madh ndërmjetës më 2025

18 Dhjetor, 19:43