I vihet flaka gjatë natës makinës së kryeinxhinierit të OSHEE në Durrës, dyshohet për shkak të detyrës

DURRËS- Makina në pronësi të kryeinxhinierit të OSHEE-së në Durrës është shkrumbuar në orët e para të mëngjesit. Ngjarja ka ndodhur në lagjen nr. 17 ose e njohur ndryshe si ish-URT, ku makina tip "Benz" ishte e parkuar.

Dyshohet se zjarrvënia është e qëllimshme për shkak të detyrës.

Si pasojë e përhapjes së flakëve është djegur dhe një automjet tjetër, në pronësi të E. H., që ishte i parkuar pranë automjetit tip “Benz”.   

Policia po këqyr kamerat e sigurisë në zonë për të zbardhur dinamikën e ngjarjes.

'Në orët e para të mëngjesit, në lagjen, në automjetin tip "Benz" të parkuar, në pronësi të shtetasit A. A., ka rënë zjarr. 

Si pasojë e përhapjes së flakëve është djegur dhe një automjet tjetër, në pronësi të shtetasit E. H., që ishte i parkuar pranë automjetit tip “Benz”.   

Grupi hetimor, në drejtimin e Prokurorisë, vijon punën për zbardhjen e rrethanave dhe përcaktimin e shkakut të rënies së zjarrit.'- njofton policia.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Finalja mes Spanjës dhe Anglisë, sipas jush kush e fiton Euro 2024?



×

Lajmi i fundit

U kapën gjatë operacionit 'Tempulli 3', Gjykata e Tiranës lë në burg të arrestuarit

U kapën gjatë operacionit 'Tempulli 3', Gjykata e Tiranës lë në burg të arrestuarit