Me përmbylljen e procesit të vetëdeklarimit fillon faze e dytë dhe përcaktuese për fatin e zyrtarëve dhe politikanëve shqiptarë. Pavarësisht se çfarë kanë shkruar ata në formularë, janë plot 14 institucione të cilat do të fillojnë tashmë të verifikojnë informacionin e deklaruar, dhe atë të ardhur në rrugë zyrtare në bashkëpunim edhe me disa shtete të tjera. Në këto kushte, personat që nuk kanë treguar të vërtetën në formular, humbasin mandatin sikundërse përcaktohet në ligjin e dekriminalizimit.