DURRËS - Një zjarr masiv shpërtheu mesditën e sotme (rreth orës 13:45) në sektor “Rinia”, pranë “Eco Park” në Durrës. Flakët përfshinë disa autobusë jo funksionalë të kompanisë private "Shega Trans", të cilët nuk përdoreshin prej disa vitesh. Paraprakisht, raportohet për 7 mjete të djegura, ndërsa mbi 10 të tjerë mbetën të padëmtuar.

Në parkun e autobusëve mbërriti policia dhe të zjarrfikëset, të cilat po punojnë për shuarjen e plotë të flakëve dhe sqarimin e rrethanave të incidentit. Siç duket edhe në pamjet e siguruara nga Report Tv, autobusët janë të rreshtuar shumë pranë njëri-tjetrit, duke lehtësuar përhapjen e flakëve nga njëri automjet te tjetri.

"Rreth orës 13:45, në lagjen nr. 15, Durrës, në parkun e autobusëve në sektorin “Rinia”, pranë “Eco Park”, ka rënë zjarr në ambientet e parkimit të autobusëve, ku, si pasojë, janë përfshirë nga flakët disa autobusë të vjetër",- njofton policia.

Ende nuk dihet shkaku i  zjarrit, ndërsa autoritetet po hetojnë nëse ka pasur shkaqe aksidentale apo të qëllimshme.

Duhet theksuar se zjarri shkaktoi ndotje të madhe, pasi reja e tymit u përhap në zonën e banuar, në periferi të Durrësit.

K.M/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Parku Rinia: 27/12/2025 14:45

    ¨Siç duket edhe në pamjet e siguruara nga Report Tv, autobusët janë të rreshtuar shumë pranë njëri-tjetrit, duke lehtësuar përhapjen e flakëve nga njëri automjet te tjetri.¨ = kjo menyre te evidentuari e dhenie ¨lajmi¨ eshte INJORANCE E PLOTE TEKNIKE! ----- aty, ne ate sektor parkimi, behet gjithnje e me e qarte se eshte hedhur lende djegese ne menyre kapilare, mbi cdo mjet, prandaj dhe furia e zjarrit eshte e shpejte, saktesisht ne zinxhir (per te shpetuar ¨koken¨ e tyre zjarrevenesit...), e keshtu edhe e plote!

    Përgjigju
  • Sondazhi i ditës: 27 Dhjetor, 14:09

    Si ka qenë 2025-a për ju?

Lajme të tjera