POP 5

Lajmet më të lexuara të 5 minutave të fundit

Kronikë

Dine Abazaj: Gjobitëm
mjekët e “21 janarit”

Urdhri i Mjekut ka marrë masa disiplinore me paralajmërim dhe 100 mijë lekë gjobë ndaj dy mjekëve të spitalit të Traumës, Alfred Gega dhe Sami Koçeku, për deklaratat e dhëna më 21 janar.
Dine Abazaj: Gjobitëm<br />mjekët e “21 janarit”
TIRANE- Urdhri i Mjekut ka marrë masa disiplinore me paralajmërim dhe 100 mijë lekë gjobë ndaj dy mjekëve të spitalit të Traumës, Alfred Gega dhe Sami Koçeku, për deklaratat e dhëna më 21 janar. Komisioni disiplinor i UMSH-së, pas kërkesës të Ministrisë së Shëndetësisë për hetim të deklaratave të këtyre mjekëve në ngjarjet e 21 janarit. Mjekët deklaruan atëhere se protestuesit u vranë nga afër, duke mbështetur hipotezën e qeverisë Berisha për vrasjet. Kështu, kirurgu Sami Koçeku është gjobitur me 100 mijë lekë, ndërsa mjekut ortoped Alfred Gega i është dhëne vërejtje dhe paralajmërim. Sipas kreut të Urdhrit të Mjekut, Dine Abazi, këto masa u morën me motivacionin “Shkelje e etikes mjekësore dhe sekretit profesional”.

“Kërkesa pavarësisht se ja ardhur nga Ministri i Shëndetësisë ne gjykimet disiplinore profesionale i bëjmë njëlloj nga kush do qoftë kjo kërkesë, pa anësi dhe pa influenca. Një nga mjekët është gjobitur, kurse mjekut tjetër i është dhënë vërejtje me paralajmërim për heqjen e të drejtës së ushtrimit të profesionit. Vendimi do t’i dërgohet të hënën Ministrisë së Shëndetësisë, e cila mund ta pranojë ose të vendosë ta apelojë”, tha Abazaj. Deklaratat janë bërë në analizën vjetore të Urdhrit të Mjekut, ku është vënë theksi tek lëvizjet e shumta në administratën e shëndetësisë, të cilat pengojnë zhvillimin cilësor të këtij sektori jetik.

Licensimet
Ndërkohë një tjetër problematikë që haset është edhe moslicencimi i mjekëve si dhe fakti që shumë prej tyre nuk kanë kreditet e nevojshme të cilat fitohen gjatë edukimit në vazhdim. “Duhet të penalizohen ata që nuk plotësojnë kreditet, është një nga kërkesat për t'u licencuar dhe t'u rilicensuar është plotësimi i krediteve. Jemi në diskutim dhe me Qendrën Kombëtare të Edukimit në Vazhdim dhe me Ministrinë e Shëndetësisë si do të veprohet me këta mjekë të cilët nuk arrijnë të plotësojnë të gjitha kreditet deri në fund të këtij cikli që është 2015”, tha Abazaj. Për vitin 2013 në zyrat e Urdhrit të Mjekut janë depozituar 57 ankesa nga pacientët ndaj mjekëve, nga të cilët për 3 mjekë është marrë masa disiplinore ndërsa 8 janë në ndjekje nga organet e drejtësisë. Ndërsa për vitin 2014 deri më tani janë depozituar 13 ankesa ndaj punës së mjekëve.
 
 
ANKESAT E PARAQITURA PRANË URDHRIT TE MJEKUT
 
VITI 2013
57 ankesa ndaj mjekëve
40 ankesa janë nga Tirana
28 ankesa janë tërhequr
16 ankesa janë zgjidhur me mirëkuptim
5 kanë kaluar në gjykim disiplinor
3 kanë marrë paralajmërim
2 mjekë të pafajshëm
8 ankesa po ndiqen nga drejtësia
 
VITI 2014
13 ankesa deri më tani
5 ankesa u mbyllën me mirëkuptim
6 ankesa kanë kaluar në komision disiplinor
1 mjek ka marrë vërejtje
1 mjekë i pafajshëm
1 mjekë ka marrë gjobë dhe paralajmërim
1 mjekë i është hequr licenca për 3 muaj
4 ankesa po shqyrtohen

Shkrimi u publikua sot (22.03.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

VIDEO/ Dëmtim i tmerrshëm në basketboll! Nëntë tifozëve u ra të fikët, njëri pësoi atak në zemër

VIDEO/ Dëmtim i tmerrshëm në basketboll! Nëntë tifozëve u ra të fikët, njëri pësoi atak në zemër

22 Dhjetor, 17:45