POP 5

Lajmet më të lexuara të 5 minutave të fundit

Sport

Dita 2 e përgatitjeve, Muja mbërrin në Kombëtare! Pritet Mersinaj dhe Bajrami, Daku punon vetëm në palestër

Arbnor Muja është i fundit i cili është bashkuar në stërvitje me kombëtaren për dy ndeshjet e fundit në grupin e Ligës së Kombeve.

Kombëtarja shqiptare ka kryer sot stërvitjen e dytë për ndeshjen e Ligës së Kombeve kundër Çekisë, teksa nën urdhrat e Sylvinhos janë vendosur 24 futbollistë. Ndryshe nga e hëna ku në Air Albania zbritën vetëm 13 nga 28 lojtarë të ftuar këtë të martë situata ishte ndryshe.

Përfundimisht përveç Gjimshitit, Kumbullës dhe Bares edhe Rey Manaj humbi grumbullimin për shkak dëmtimi, ndërsa nga 3 ftesat e fundit është paraqitur vetëm Arbnor Muja, ndërsa dy të tjerët Jon Mersinaj dhe Adrian Bajrami ende s’kanë mbërritur në Tiranë. Bashkimi i tyre me pjesën tjetër të grupit do të ndodhë në stërvitjen e së mërkurës. Njëjtë si Mirlind Daku, i cili edhe pse ka mbërritur në qendrën e grumbullimit është stërvitur i vetëm në palestën e ekipit kombëtar për shkak të lodhjes nga udhëtimi i gjatë.

Sfida përballë Çekisë është e pesta në grupin e Ligës së Kombeve ku Shqipërisë 3 pikët i vlejnë jo vetëm për hakmarrjen pas humbjes 2-0 në Pragë, por edhe për të pretenduar vendin e parë. Aktualisht, pas 4 sfidave për secilën skuadër, Shqipëria renditet në vendin e 3 me 6 pikë, po aq sa Gjeorgjia e vendit të dytë dhe 1 pikë më pak se Çekia kryesuese.

Tre ditë pas ndeshjes me Çekinë që luhet të shtunën, të martën e 19 nëntorit kuqezinjtë do të përballen me Ukrainën po në Air Albania për Ligen e Kombeve.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    2 Dhjetor, 20:45

    Jeni dakord që prokurorët e SPAK të kenë mundësinë për një mandat tjetër?

Lajme të tjera



×

Lajmi i fundit

Nafta derdhet lumë në Kuçovë, por institucionet bëjnë një sy qorr

Nafta derdhet lumë në Kuçovë, por institucionet bëjnë një sy qorr

3 Dhjetor, 22:57