POP 5

Lajmet më të lexuara të 5 minutave të fundit

Sport

KATAR 2022/ Dita e 2 e Botërorit, shihet si favorite, Anglia përballet me Iranin! Senegalit i mungon Mane, Van Dijk: Do ta ndihmojë shumë Holandën

Angli-Iran do jetë ndeshja hapëse e ditës së dytë të Botërorit, me ‘tre luanët’ të cilët janë edhe një nga favoritët e kompeticionit të Katarit. Po për grupin B përballen Amerika dhe Uellsi, ndërsa grupi A do kompletojë ndeshjet e para në orën 17:00 me ndeshjen Senegal-Holandë.

Dita e dytë e Botërorit të Katarit do të sjellë për tifozët 3 përballje interesante që nisin në orën 14:00 mes Anglisë dhe Iranit. ‘Tre Luanët’ janë favoritët e kësaj sfidë në grupin B edhe për faktin se nuk kanë asnjë mungesë. Trajneri Southgate pritet ta nisë me formacionin më të mirë të mundshëm, duke përfshirë treshen e sulmit Harry Kane, Stërling dhe Saka, ndërsa nga minuta e parë pritet edhe mesfushori i talentuar Bellingham.

Një tjetër detaj që shkon në favor të Anglisë është përçarja që egziston te Irani, për faktin se disa futbollistë nuk dëshironin grumbullimin me kombëtaren për shkak të disa çështjeve politike.

Sfida tjetër e këtij grupi luhet në orën 20:00 mes Amerikës dhe Uellsit. Shtetet e Bashkuara shihen pak më të avantazhuara në letër, pasi nga fillimi do ta nisin dy futbollistë të cilët aktivizohen në Seria A Sergio Dest dhe McKennie, ndërsa në sulm pritet me interes Pulisic. Te Uellsi në këtë repart nuk ka risi, ndërsa me shumë dyshime shihet Garreth Bale, pasi pretendohet që i mungon forma fizike.

Në orën 17:00 për llogari të grupit A, ku bëjnë pjesë edhe Katari me Ekuadorin që ishte ndeshja hapëse, do të luajnë Senegali me Holandën. Mungesa e madhe e afrikanëve do jetë Sedio Mane, fakt që sipas kapitenit të Holandës Virgil Van Dijk do ti ndihmojë shumë tulipanët. Nga ana tjetër të besuarit e Van Gal, që do tentojnë të jenë surpriza e këtij Botërori, kanë të padisponueshëm Depay-n dhe mesfushorin De Roon.

Ne.k./xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57