Dita e 7 Marsit, Kryemadhi: I përulem mësuesve të mi dhe misionit tuaj të shenjtë, mbetem gjithmonë nxënësja juaj

Kryetarja e LSI-së Monika Kryemadhi ka uruar mësuesit me rastin e festës së 7 Marsit, ku nënvizon se nuk mund të harrojmë kurrë se kush kanë qenë ata, që na mësuan, na futën në botën e madhe të librit, të dijes dhe të edukatës së mirë.

‘Mbetemi gjithmonë nxënës...! Jemi gjithmonë nxënës, ndaj dhe në 7 Mars nuk mund të harrojmë kurrë se kush kanë qenë ata, që na mësuan, na futën në botën e madhe të librit, të dijes dhe të edukatës së mirë.

LEXO EDHE:
Një vend dedikuar artit dhe kreativitetit, hapet Qendra e Artit, Kulturës dhe Inovacionit në Korçë

Mirënjohja është gjithmonë një fjalë e pamjaftueshme për të përmbledhur atë gjithçka të madhe, që mësuesit bënë me ne.

Misionarët e të mirës, që kanë festën e tyre sot më 7 Mars, na mësuan të mbetemi nxënës përjetë, të jemi modest, të jemi të duruar siç kanë qenë ata të duruar me ne, për të na mësuar dhe për të kuptuar se të mësuarit nuk ndalet, siç nuk ndalet jeta. I përulem mësuesve të mi, i përulem misionit tuaj të shenjtë dhe mbetem gjithmonë nxënësja juaj.’- shkruan Kryemadhi.

Lajmi kryesor:

Sot 7-Marsi, uron politika! Rama: Më e mira është ende përpara! Meta nderon mësues dhe pedagogë në Korçë! Ministrja Kushi: Falënderime dhe mirënjohje për sakrificën

M.Q./Shqiptarja.com

TAG:
• edi rama
• Evis Kushi
• arsimi
• mesuesit
• 7 marsi
• koronavirusi ne shqiperi