POP 5

Lajmet më të lexuara të 5 minutave të fundit

Sociale

Dita e fundit si mësuese, rrëfimi i Fatime Cerës me lot në sy: Nxënësit do më mungojnë, janë 41 vite në arsim, ishte pasioni im

Ndërsa arsimi paruniversitar përmbylli vitin shkollor, kjo e mërkurë ka qenë e veçantë dhe e vështirë për mësuese Fatime Cerën në shkollën “Ahmet Zogu” në Bathore. Për të sot ishte dita e fundit si mësuese, pasi përmbylli 41 vite punë në arsim, ç’ka e bëri të përjetonte emocione të forta dhe mos ta kishte aspak të lehtë ndarjen me nxënësit. 

Emocionet e kanë mbërthyer mësuese Fatime Cerën. Për të sot është dita e fundit me nxënësit. Jo për shkak të mbylljes së vitit shkollor, por përmbyll gjithë periudhën e mësimdhënies e tashmë do të dalë në pension. Ka mbetur e ulur në tavolinën e mësuesit dhe vetëm sodit e mallëngjyer nxënësit e saj duke u përpjekur më kot të fshehë emocionet.

“Patjetër që do të më mungojnë. Kur i shoh të mërzitur, mërzitem dhe unë.”

Janë plot 41 vite në arsim, mes nxënësve e kolegëve duke ndarë me ta momente të bukura e të trishta. Ende nuk e beson që kjo është dita e fundit mes tyre...

“E kam pas shumë pasion si punë dhe kënaqësi. Me thënë të drejtën, pak patëm vështirësi tek situata që na krijoj pandemia. Momentet e bukura janë të gjithë dhe nuk i ndaj dot, që tek veprimtaritë, aktivitetet e gjithçka. Aq sa e vështirë dhe e bukur”

Teksa kujton momente nga jeta e gjatë profesionale, mësuese Fatimes i mbushen sytë me lot, një dëshmi se ndarjet janë gjithmonë të dhimbshme dhe aspak të lehta.

‘Nuk dua lot.”

Mësuese Fatimja na thotë se në klasën e saj ka fëmijë të ish -nxënësve të saj. Eriselda është një prej tyre.

“Ajo buzëqeshja që na jepte mësuesja çdo ditë, përqafimi i saj, mësimi që na shpjegonte, çdo gjë do na mungoj”, tha ajo.

Nxënësit e tjerë mes emocioneve për ndarjen thonë se nga mësuese Fatimja do iu  mungojë dashuria e dhuruar në 5 vitet e para të shkollës.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si i vlerësoni protestat e dhunshme të Rithemelimit tek Bashkia?

Lajme të tjera



×

Lajmi i fundit

'Hajmeli, zemra e Zadrimës' në 'Veri Jug'

'Hajmeli, zemra e Zadrimës' në 'Veri Jug'

28 Prill, 15:01 nga Agim Pipa