“Dita e Verës 2024”, Fëmijët çelin aktivitetet festive
Nga lashtësia, Dita e Verës vjen dhe ulet këmbëkryq në Elbasan, në kryeqendrën e festimeve të Ditës së Verës.
Këtë vit festimet nisin që të hënën e parë të marsit, për t’a finalizuar këtë festë në drekën e 14 Marsit.
Bashkia Elbasan, nën kujdesin e kryetarit Gledian Llatja e nisin kalendarin e festimeve më herët se çdo vit, duke u kujdesur të përfshijnë çdo traditë ashtu siç e meriton ky qytet i cili ka edhe ekskluzivitetin e kësaj feste e ruajtur “gjallë” prej shekujsh.
I pranishëm në koncertin e fëmijëve të 11-klasave përgatitore në qytet, të cilët recituan dhe kënduan në një skenë të improvizuar vetëm për ta në ambjentet e “Parkut Rinia”, kryetari i bashkisë z. Gledian Llatja e vuri theksin tek tradita e kësaj feste në Elbasan, e cila sipas tij vazhdon të rigjallërohet nga viti në vit.
“Për 10 ditë rradhazi për të shijuar këtë atmosferë shumëngjyrëshe, qyteti do të përfshihet nga një larmi festive me shumë aktivitete si, ekspozita, konkurse, panaire, poçeri, lights show, koncerte dhe shumë e shumë të tjera.
Duke qenë se që në lashtësi më së shumti këtë ditë e shijonin fëmijët, kemi menduar që qyteti të gjallërohet nga ata”, tha kryebashkiaku Llatja.
Duke ftuar të gjithë qytetarët jo vetëm nga Elbasani po nga mbarë vendi të vijnë të festojnë në Elbasan, kryeqendrën e kësaj feste, kryebashkiaku Llatja uroi një verë të begatë dhe plot mirësi, duke vendosur edhe simbolin e ditës së verës, veroren me ngjyrat e pranverës, nga një vogëlushe.
Nga data 4 mars deri në datën 9 mars, fëmijët do të jenë protagonistët kryesorë në qytet, duke organizuar koncerte me këngë dhe valle, mbjellje lulesh tek “Parku Rinia” ato do të shpalosin ekspozita me punime, kërcime, të orientuara nga mësueset e tyre të parashkollorit.
Të gjithë kopshtet e qytetit do të kenë ditët e tyre për të aktruar, vallëzuar, recituar dhe gatuar. “Diell dhe Dallëndyshe”, do të jetë lajtmotivi i fëmijëve të kopshteve dhe përgatitoreve të qytetit.
“Dita e Verës” në Elbasan veç mikpritjes, e ka kaluar nga njëri brez tek tjetri këtë festë pagane domethënëse të ardhjes së pranverës.
Vitet kaluan dhe festa mbeti në Elbasan po aq e mirëpritur sa edhe atëherë kur pati shkelur për herë të parë.
Lajme të tjera
-
Elbasan/ Ushtroi dhunë ndaj babait dhe i vodhi paratë, në pranga 31 vjeçari
23 Nëntor, 13:36 -
Moti i keq/ Era e fortë dhe shiu i dendur ‘pushtojnë’ Elbasanin
22 Nëntor, 18:09 -
Elbasan/ Aksident në Belsh-Kuçovë, makina del nga rruga, plagosen shoferi 21-vjeçar dhe pasagjerja
22 Nëntor, 17:44 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Bashkia Cërrik feston 72-vjetorin e krijimit
21 Nëntor, 17:33 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11 -
Ylli i ri i peshëngritjes shqiptare, Kristi Muça fiton medalje në Bullgari
20 Nëntor, 19:25 -
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Aksident në aksin Elbasan- Cërrik, 2 mjete përplasen me njëra-tjetrën, policia në vendngjarje
20 Nëntor, 11:34 -
Elbasan/ Mashtroi se do të blinte një automjet për fabrikën që administronte, vodhi 25 mln lekë! Arrestohet 38- vjeçari
20 Nëntor, 11:27 -
Gramsh/ Po bënte manovra me motomjet në oborrin e banesës, rrëzohet dhe dëmtohet në kokë! Humb jetën 31 vjeçari
20 Nëntor, 09:23 -
Tre humbje, zero pikë dhe vendi i fundit! Kombëtarja U-19 mbyll kualifikueset e Evropianit me tëtë gola të pësuar
19 Nëntor, 17:50
