POP 5

Lajmet më të lexuara të 5 minutave të fundit

Politikë

Dita ndërkombëtare, PD: Qeveria
dhunuesja më e madhe e grave

Në ditën Ndërkombëtare kundër Dhunës ndaj Gruas, Partia Demokratike ka reaguar lidhur me largimet nga puna në adminsitratë. Në një deklaratë për mediat, zëdhënësja e PD, Laura Vorpsi, tha se kjo është “një dhunë e qeverisë ndaj grave”.
Dita ndërkombëtare, PD: Qeveria<br />dhunuesja më e madhe e grave
TIRANE- Në ditën Ndërkombëtare kundër Dhunës ndaj Gruas, Partia Demokratike ka reaguar lidhur me largimet nga puna në adminsitratë. Në një deklaratë për mediat, zëdhënësja e PD, Laura Vorpsi, tha se kjo është “një dhunë e qeverisë ndaj grave”.

“Dita ndërkomëtare kundër dhunës ndaj gruas e gjen gruan shqiptare në një gjendje të vështirë. Qeveria ka ndërmarrë një fushtë spastrimi të paligjshme dhe të pamotivuar në administratë, duke larguar nga detyra dhjetra qindra gra. Në kundërshtim me ligjin, në kundërshtim me vlerat, duke nëpërkëmbur dinjitetin human, dhjetra e qindra gra sot thirren çdo ditë nga shefat e institucioneve, dhe përzihen nga puna me urdhëra partiakë. Kjo fushatë nuk ka kursyer gratë profesioniste, gratë në karrierë, nëpunëset civile, pavarësisht kontributit të tyre të çmuar në sektorët më të rëndësishëm të administratës dhe të prioriteteve të vendit”, tha zëdhënësja e PD.

Duke vijuar akuzat ndaj kreut të qeverisë, Vorpsi u ndal tek largimet nga puna në administratë, ndërsa i kërkoi qeverisë Rama-Meta, të kthejnë mbrapsht aktet e paligjshme.

“Nëse doni një shembull tipik se si i trajton gratë Edi Rama, se si ushtron ai dhunë ndaj tyre, merrni rastin e kreut të Inspektoriatit të Lartë të Deklarimit dhe Kontrollit të pasurive. Ai po përdor të gjitha metodat e shantazhit, psikologjik dhe fizik, kundër një zonje që ka një mandat të ligjshëm të votuar nga Parlamenti.

E njëjta sjellje bëhet edhe nga të tijtë, në ministri e kudo, ku çdo ditë hiqen nga puna në mënyrë arbitrare vajza dhe gra të zonjat e që kanë ndërtuar me mund karrierën e tyre profesionale. Dhuna e qeverisë ndaj grave është më e keqja nga të gjitha, pasi ushtrohet prej atyre që supozohet që duhet të mbrojnë, promovojnë dhe garantojnë shanset dhe karrierën e femrave. Partia Demokratike i bën thirrje qeverisë të heqë dorë nga ky keqtrajtim i përditshëm që u bën grave në administratë dhe kërkon kthimin mbrapsht të akteve të paligjshme dhe vendosjen në vend të këtij dinjiteti të nëpërkëmbur, vijoi Vorpsi.

Redaksia Online
(e.s/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04