Pas me shume se 3 orë diskutimesh shumica e deputetëve të Asamblesë Parlamentare të Këshillit të Evropës në një votim historik i hapi rrugën anëtarësimit të Kosovës në këtë organizatë. Nga 171 deputetë, 131 votuan pro, 29 kundër dhe 11 abstenuan.
Gjatë votimit u rrëzuan amendamentet e propozuara nga Serbia që kundërshtonte anëtarësimin e Kosovës në këtë organizatë. Shumica e deputetëve që morën fjalën e mbështetën anëtarësimin e Kosovës.
Megjithatë, deputetët nga Franca thanë se do të ishte mirë që Kosova të bëjë hapat e parë drejt themelimit të Asociacionit të komunave me shumicë serbe para votimit final të ministrave në maj.
Çështja anëtarësimit të Kosovës në KiE tashmë kalon në duart e ministrave të Jashtëm të Këshillit të Evropës, të cilët duhet të vendosin përfundimisht nëse Kosova do të bëhet anëtarja më e re e organizatës.
Në fillim të seancës, raportuesja Dora Bakoyanis, u bëri thirrje të gjithë anëtarëve që të mbështesin këtë kërkesë, por ajo u kundërshtua ashpër nga përfaqësuesit e Serbisë.
Kryetarja e delegacionit serb, Biljana Pantiq Pilja, tha se nëse lejohet anëtarësimi i Kosovës pa themelimin e tij, Asociacioni nuk do të bëhet kurrë.
Por zonja Bakoyanis, nënvizoi përparimin që ka shënuar në disa çështje të rëndësishme Kosova, siç është vendimi për të zbatuar vendimin e Gjykatës Kushtetuese për pronat e manastirit të Deçanit, duke theksuar se çështja e Asociacionit duhet të zgjidhet në kuadër të bisedimeve Kosovë - Serbi.
Me 131 vota për, 29 kundër dhe 11 abstenime, Asambleja Parlamentare e mbështeti anëtarësimin e Kosovës në Këshillin e Evropës gjatë një seance plenare të martën në Strasburg.
Prej 29 deputetëve që votuan kundër anëtarësimit të Kosovës, shtatë ishin nga Serbia, shtatë nga Spanja tre nga Hungaria, dy nga Franca, dy nga Bosnje Hercegovina, një nga Mali i Zi, një nga Franca, një nga Qipro, një nga Italia, një nga Gjermania, dy nga Qipro…
Serbia kishte propozuar disa ndryshime në tekstin për rekomandimin që Kosova të pranohet në këtë organizatë, por që ishte hedhur poshtë nga Komiteti për Çështje Politike dhe Demokraci në Këshillin e Evropës.
Kundër kësaj asnjë nga amendamentet e propozuara nga Serbia nuk u miratuan.
Këta delegatë votuan kundër Kosovës në KiE
Harald WEYEL – Gjermani: Grupi i Konservatorëve Evropianë dhe Aleanca Demokratike
Emmanuel FERNANDES – Francë: Grupi i të Majtës së Bashkuar Evropiane
Anne STAMBACH-TERRENOIR – Francë: Grupi i të Majtës së Bashkuar Evropiane
Branislav BORENOVIĆ (Bosnje dhe Herzegovina, EPP/CD)
Snježana NOVAKOVIĆ BURSAĆ – Bosnje dhe Hercegovina)
Maja VUKIĆEVIĆ – Mali i Zi: Anëtarë që nuk i përkasin një grupi politik
Sergio GUTIÉRREZ PRIETO – Spanjë: Grupi i Socialistëve, Demokratëve dhe të Gjelbërve
María FERNÁNDEZ – Spanjë: Grupi i Socialistëve, Demokratëve dhe të Gjelbërve
Carmen LEYTE – Spanjë: Grupi i Partisë Popullore Evropiane
Antonio GUTIÉRREZ LIMONES – Spanjë: Grupi i Socialistëve, Demokratëve dhe të Gjelbërve
Pablo HISPÁN – Spanjë: Grupi i Partisë Popullore Evropiane
Gonzalo ROBLES – Spanjë: Grupi i Partisë Popullore Evropiane
José María SÁNCHEZ GARCÍA – Spanjë: Grupi i Konservatorëve Evropianë dhe Aleanca Demokratike
Jelena MILOŠEVIĆ – Serbia: Grupi i Socialistëve, Demokratëve dhe të Gjelbërve
Aleksandar MIRKOVIĆ – Serbia: Grupi i Partisë Popullore Evropiane
Đorđe STANKOVIĆ – Serbia: Anëtarë që nuk i përkasin një grupi politik
Biljana PANTIĆ PILJA – Serbia: Grupi i Partisë Popullore Evropiane
Vladimir ĐORĐEVIĆ – Serbia: Anëtarë që nuk i përkasin një grupi politik
Elvira KOVÁCS – Serbia: Grupi i Partisë Popullore Evropiane
Dunja SIMONOVIĆ BRATIĆ – Serbia: Grupi i Socialistëve, Demokratëve dhe të Gjelbërve
László TOROCZKAI – Hungari: Anëtarë që nuk i përkasin një grupi politik
Zoltán BÓNA – Hugari: Grupi i Konservatorëve Evropianë dhe Aleanca Demokratike
Zsolt NÉMETH – Asambleja Kombëtare e Hungarisë
Dimitri COIN – Itali: Grupi i Konservatorëve Evropianë dhe Aleanca Demokratike
Nina KASIMATI – Greqi: Grupi i të Majtës së Bashkuar Evropiane
George LOUCAIDES – Qipro: Grupi i të Majtës së Bashkuar Evropiane
Christiana EROTOKRITOU – Qipro: Grupi i Socialistëve, Demokratëve dhe të Gjelbërve
Pas votimit të Asamblesë Parlamentare çështja kalon në duart e ministrave të Jashtëm të Këshillit të Evropës, të cilët duhet të vendosin përfundimisht nëse Kosova do të bëhet anëtarja më e re e organizatës.
Këshilli i Evropës është organizatë lidere në Evropë në fushën e të drejtave të njeriut.
Pjesë e tij janë 46 shtete, përfshirë 27 vende anëtare të Bashkimit Evropian dhe të gjitha vendet e rajonit.
Gjykata Evropiane për të Drejtat e Njeriut – me seli në Strasburg, Francë – bën monitorimin e zbatimit të Konventës Evropiane për të Drejta të Njeriut.
Presidentja e Kosovës Vjosa Osmani ka përshëndetur vendimin Asamblesë Parlamentare të Këshillit të Evropës për të miratuar draft-opinionin për anëtarësimin e Kosovës.
“Faleminderit të gjithëve deputetëve të Asamblesë Parlamentare të KiE që votuan pro Kosovës anëtarësimit të Kosovës në Këshillin e Europës sot! Një falënderim i madh për delegacionin tonë dhe të gjithë ata që mbështesin vazhdimisht popullin e Kosovës. Edhe një hap!”, shkroi Presidentja.
Pasi Asambleja Parlamentare e Këshillit të Evropës i tha po anëtarësimit të Kosovës në këtë institucion ndërkombëtar, reagoi edhe kryeministri i Kosovës, Albin Kurti, duke theksuar se shpreson se faza e ardhshme do të mbyllet me sukses.
‘Asambleja Parlamentare i thotë PO Kosovës. Jemi edhe një hap më afër dhe vetëm një hap larg anëtarësimit në Këshillin e Evropës. Faza e radhës dhe e fundit që na pret është ministeriali në muajin maj. Meqenëse që nga viti 1951, Komiteti i Ministrave nuk ka marrë vendim ndryshe nga Opinioni i Asamblesë Parlamentare të Këshillit të Evropës, besojmë që edhe faza e ardhshme do të përmbyllet me sukses. Megjithatë, puna jonë do të vazhdojë. Nga anëtarësimi i Kosovës në Këshillin e Evropës, fiton demokracia, sundimi i ligjit dhe të drejtat e njeriut. E me Kosovën aty, Këshilli i Evropës fiton një demokraci të re e të gjallë, ku sundon ligji e respektohen të drejtat e njeriut. Faleminderit të gjithëve. Urime të gjithëve!’- shkruan Kurti.
Komente
Lajme të tjera
-
Serbia i refuzon ministrit të Brendshëm të Kosovës kërkesën për vizitë në Luginën e Preshevës
25 Dhjetor, 13:52 -
Osmani: Lista Serbe është angazhuar në akte terroriste dhe akte agresioni
24 Dhjetor, 19:57 -
Kosovë, Lista Serbe paralajmëron se do të ankimojë vendimin e KQZ-së
24 Dhjetor, 18:01 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Gucati përfundon dënimin në Hagë: Qëndrova ballëlartë dhe krenar
24 Dhjetor, 16:51 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Kosovë/ Kurti lë jashtë zgjedhjeve Listën Serbe, anëtarët e Vetëvendosjes votojnë kundër, KQZ nuk certifikon pjesëmarrjen
23 Dhjetor, 15:47 -
Kosovë/ Policia sekuestron një sasi të madhe të armëve të ftohta në Prishtinë
23 Dhjetor, 14:10
ME TE DEGJUAR LAJMIN - I ÇIK NA E LEDHATON VESHIN...POR..KOSOVA ESHTE TOKE E MEMES SHQIPERI, ME VOTIME TE TILLA FEUDALISTE MER KAHJE TJETERSIMI TE QENURIT.....ESHTE I ÇIK E SIKLETSHME
PërgjigjuShume mire qe u miratua Kosova per ne KE, por si paradoksale duket qe flamurtare del motra e Micotaqisit (Dora), se keta nuk e kane njohur Kosoven as si shtet, apo mos “eshte futur mik Saliu me Agushin” se jane miqte e Albinit te dy.
PërgjigjuSi intelektual i nderuar që qenke po e e besoj ironin tuaj por sa për info edhe personi i fundit në Kinën komuniste e di që grekun leje më micoziun nuk e pyet njeri jo në EU po as në ballkan tani që Edi i shtriu kallamin me bebilerin në burg.Kujdes shkaun për momentin se mos teston ndonjë fishkezjarr sikur bëri vllau i tij iranizi nga nëna rruspi. Ciao amigo dhe ua punoft China nënat e motrat anti Shqipëtarëve. Amen/Amin Ps. Ma përshëndet Albinin edhe pyte çik se kur do bohet lideri i Shqiptarëve se na mallengjeu topet patriotizmi i tij.
URIME, KOSOVA!!!!!!
Përgjigju