POP 5

Lajmet më të lexuara të 5 minutave të fundit

Media

Dixhitalizimi, TV lokale kundër
tarifave stratosferike të TVSH-së 

 Operatorët televizivë lokalë kanë kundërshtuar tarifën që TVSH u kërkon për t’u mundësuar transmetim dixhital.  VIDEO
Dixhitalizimi, TV lokale kundër<br />tarifave stratosferike të TVSH-së 
TIRANË - Operatorët televizivë lokalë kanë kundërshtuar tarifën që TVSH u kërkon për t’u mundësuar transmetim dixhital. Pas kalimit të detyrueshëm në platformën numerike për efekt të fikjes së transmetimeve analoge që përdoren sot, të gjithë televizionet vendore do të transmetojnë duke përdorur rrjetin dixhital që po ndërton TVSH.
 
Por qiraja mujore që ka vendosur TVSH, sipas të gjithë operatorëve është tejet e kripur, duke i rrezikuar mbijetesën. Tarifa bazë për të transmetuar në një qark të vetëm llogaritet nga TVSH 1073 euro. Por për rajonin Tiranë-Durrës televizionet duhet të paguajnë dyfishin e kësaj shume.
 
Shifra bëhet stratosferike, nëse tentohet të kalohet sinjali në rang republike

Qëndrimin kundër tarifave te vendosura nga TVSH, operatorët televizivë ia bënë të qartë autoritetit të mediave audiovizve dhe drejtorit teknik të TVSH-së të cilët u paraqitën këto shifra.
 
Fatura e kripur justifikohet nga kredia e madhe për këtë investim nga TVSH që në fakt ka pranuar të ndërtojë infrastrukturën dixhitale me çmimet shumë më të larta se ato reale të tregut. Një shpërdorim fondesh publike, që tani TVSH përpiqet ta shkarkojë mbi kurrizin e operatoreve televizivë vendore duke rënduar tejmase vlerën e qirasë mujore për ritransmetimin e sinjalit.

Megjithatë drejtori i Autoritetit të Mediave Audiovizive, Gent Sala ka siguruar operatorët që nga ana e shtetit mund të ketë ndonjë formë subvencioni një-vjeçar për të mbështetur operatorët.

"Është menduar që dhe shteti, qeveria, mesa na kanë thënë pa e bërë faktike por që do të ndihmojnë për një vit kjo kam përshtypjen për këto kosto që shkojnë dëm llogaritet", - u shpreh kreu i AMA-s.

Redaksia Online
(Gre.M/Shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04