POP 5

Lajmet më të lexuara të 5 minutave të fundit

Bota

Djali i Joe Biden përballet me një aktakuzë të re këtë muaj

Prokurorët federalë po planifikojnë t’i kërkojnë një aktakuzë ndaj djalit, Hunter Biden, të presidentit amerikan Joe Biden, deri në fund të këtij muaji, sipas dokumenteve të gjykatës. Padia lidhet me një akuzë për posedim armësh ndërsa ai ishte përdorues droge.

Djali i Joe Biden përballet me një aktakuzë të re këtë muaj

Prokurorët federalë po planifikojnë t’i kërkojnë një aktakuzë ndaj djalit, Hunter Biden, të presidentit amerikan Joe Biden, deri në fund të këtij muaji, sipas dokumenteve të gjykatës.

Padia lidhet me një akuzë për posedim armësh ndërsa ai ishte përdorues droge. Hunter Biden ka qenë gjithashtu nën hetim nga prokurorët federalë për aktivitetet e tij financiare dhe tregtare.

Gjykatësi federal i Delauerit, David Weiss, i cili u emërua nga Departamenti i Drejtësisë si prokuror i posaçëm për këtë rast, iu referua një kërkese për ngritjen e aktakuzës përpara 29 shtatorit në një raport mbi statusin e çështjes, të kërkuar nga gjykatësja Maryellen Noreika, raporton BBC.

Avokatët mbrojtës kanë argumentuar se një marrëveshje që mbronte Hunter Biden nga ndjekja penale për akuzën për armëmbajtje pa leje duhet të jetë ende në fuqi.

Ajo ishte pjesë e një marrëveshjeje për pranimin e fajësisë mbi akuzat për shkelje të ligjeve tatimore, që u prish gjatë një paraqitjeje në gjykatë në korrik.

Hunter Biden u akuzua në qershor për dy krime për mospagimin e më shumë se 100 mijë dollarëve në taksa nga mbi 1.5 milionë dollarë të ardhura që kishte si në vitin 2017 ashtu edhe në 2018.

Ai pritej të pranonte fajin në korrik, pasi bëri një marrëveshje me prokurorët, të cilët ishin duke planifikuar të rekomandonin një dënim me dy vjet mbikëqyrje.

Republikanët e Kongresit po shqyrtojnë një hetim për shkarkimin e Presidentit Biden, duke pretenduar se ai kishte luajtur një rol në çështjet e biznesit të jashtëm të djalit të tij.

Muajin e kaluar, komiteti mbikëqyrës i Dhomës së Përfaqësuesve citoi të dhënat bankare ku tregonin se familja Biden dhe bashkëpunëtorët e saj kishin fituar 20 milionë dollarë nga oligarkët në Rusi, Kazakistan dhe Ukrainë gjatë viteve 2009-2017.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça