Djali tha "Rroftë ISIS", Italia dëbon shqiptarin nga Maqedonia
 

39 vjeçari shqiptar nga Maqedonia, Rexhep Ljimani, i cili jetonte prej vitit 1998 në Itali, është dëbuar të mërkurën nga territori italian për “motive parandalimi terrorist”, me dekret te Ministrisë së Brendshme. Hetimet e policisë italiane kanë konfirmuar se prej 2014-ës, 39 vjeçari kishte vendosur kontakte me persona me origjinë ballkanike të lidhura me grupet e islamizmit radikal. Në nëntor të 2015, pas sulmeve në Paris, djali i tij 8-vjeçar kishte thënë në shkollën ku ai studion se “terroristët kanë bërë mirë që kanë vrarë e se shpejti do mbërrijnë në Romë e do vrasin Papën. Rroftë ISIS”.