Kundërshtarët e Donald Trump thonë se presidenti i ri është i gatshëm të bëjë shumë gjëra. Tani mund t'i shtojnë listës edhe tualetet e kyçur.
 
Qindra protestues janë rreshtuar jashtë tualeteve portativë të kyçur në Madison Drive, ku njerëzit përpiqen të heqin shulat apo t'i shqyejnë  dyert me forcë.
 
“Kur të shpëton, të shpëton", thotë Courtney Mussoline, 35 vjeç, nënë e tre fëmijëve.
 
Disa nga njerëzit në radhë, përfshirë 29-vjeçarin Jack Lin, një inxhinier programesh kompjuterike nga Albany, New York, thotë se dyshojnë se Trump ka urdhëruar mbylljen e tualeteve për të mundur marshuesit. Ato ishin të hapura dje, gjatë Ditës së Inaugurimit.
 
“Vras mendjen nëse janë taksapaguesit që paguajnë për këto", thotë Lin.
 
Organizatorët e marshimit të grave kanë marrë me qira tualete portativë përtej Natioanl Mall, parku kombëtar në Uashington, nga memorali i Lincolnit te Capitoli. Por kalimi i parkut mes demonstruesve të tjerë merr e pakta dhjetë minuta.
 
“Nuk e di nëse është me qëllim apo jo, por kjo është zhgënjyese", thotë Adam Nathan, 51 vjeç, një biznesmen nga Seattle.
 
Një grua, e cila nuk e tregoi emrin nga frika e ndonjë kundërveprimi të mundshëm nga ana e qiradhënësve të tualeteve, u përpoq për pesë minuta, pa sukses, të hapte një nga drynët me një kapëse letrash.
 
“Nuk më shkohet në banjë, thjesht dua të ndihmoj ata që kanë nevojë", tha gruaja.
d.i./Shqiptarja.com