Qindra hektarë tokë janë shkrumbuar brenda 24 orëve të fundit në njësitë administrative Antigone dhe Lunxhëri të bashkisë së Gjirokastrës. Ndonëse paradite situata u normalizua në Gjirokastër ku u shuan të gjitha vatrat e zjarrit, nuk ka kaluar shumë kohë në qetësi pasi është riaktivizuar sërish një tjetër vatër, ajo në zonën e fshatit ‘Arshi Lengo’, ku humbi jetën dje 64-vjeçari Andrea Haxhiaj. Falë angazhimit të trupave të FA zjarri është vënë në kontroll.
Edhe një tjetër vatër e rrezikshme zjarri në Lunxhëri u riaktivizua sërish sot në mëngjes, por është shuar pas ndërhyrjes me helikopter. Krahas helikopterit edhe forcat e PMNZSH Gjirokastër të mbështetura nga 100 forca ushtarake kanë qenë në terren për të shuar këtë vatër mes fshatrave Qestorat dhe Tranoshishtë. Në orën 03:30 të mesnatës janë shuar flakët në Kalanë e Shën Triadës ku gjenden antenat e telefonave celulare. Vatra në Lunxhëri e cila ishte e vetmja e riaktivizuar sot në Gjirokastër, ka marrë fund. Ministri i Mbrojtjes Niko Peleshi ka bërë me dije se mëngjesi i sotëm ka nisur i qetë në Gjirokastër dhe tani që vatrat janë shuar ka kërkuar ndihmën e komunitetit për identifikimin e zjarrvënësit.
Dje zjarri rrezikoi seriozisht banesat e 3 fshatrave në Lunxheri, konkretisht fshatrat Krinë, Asim Zeneli dhe Arshi Lengo, ku u dha urdhër evakuimi për banorët në mënyrë që të mos u rrezikohej jeta, por fatkeqësisht u shënua edhe viktima e parë nga zjarret. Në përpjekje për të shuar zjarrin që i kishte shkuar pranë banesës së tij, ka humbur jetën Andrea Haxhiaj, kurse e plagosur mbeti edhe bashkëshortja e tij, e cila pësoi djegie dhe asfiksim në nga tymi. Ajo është dërguar në Tiranë për kurim më të specializuar. Gjatë luftës me flakët pësoi gjendje asfiksimi edhe ushtari i Forcave të Armatosura, Edlir Goxhaj, i cili ndodhet në spital jashtë rreziku për jetën. Si pasojë e zjarrit 700 hektarë janë shkatërruar në Gjirokastër.
Andrea Haxhiaj, 64 vjeç viktima në zjarret e Gjirokastrës
Duket se nuk ka paqe për Gjirokastrën, ku një vatër zjarri është riaktivizuar në fshatin Saraqinisht në Lunxhëri. Flakët kanë përfshirë kodrat e fshatit, duke djegur hapësira të tëra me pemë e shkurre. Në vendngjarje kanë mbërritur forcat zjarrfikëse që po punojnë për shuarjen e flakëve.
Riativizohet vatra e zjarrit në fshatin ‘Arshi Lengo’ në Gjirokastër. Zjarrfikësja ka shkuar për të neutralizuar flakët. Kujtojmë se dje në fshatin Arsim Zeneli humbi jetën 64-vjeçar që pasi luftonte me flakët që i rrezikonin shtëpinë.
Normalizohet situata e zjarreve në Gjirokastër pas një “lufte” të vështirë me flakët ditën e djeshme. Përmes një postimi në rrjetin social Facebook Ministri i Mbrojtjes, Niko Peleshi ka bërë me dije se mëngjesi i sotëm ka nisur i qetë në Gjirokastër pasi të gjithë vatrat e zjarrit në Gjirokastër janë shuar.
Vatrat e zjarrit janë eliminuar thotë Peleshi dhe kjo falë punës së palodhur dhe me sakrifica te Forcave të Armatosura, forcave zjarrfikëse dhe forcave të tjera të Bashkisë Gjirokastër.
"Dielli lind përsëri në Gjirokastër. Pas një nate mes zjarresh, falë punës së palodhur dhe me sakrifica te Forcave të Armatosura, forcave zjarrfikëse dhe forcave të tjera të Bashkisë Gjirokastër, vatrat e zjarrit janë eliminuar. Vazhdojmë vigjilencën dhe kërkojmë bashkëpunim komunitar për të identifikuar zjarrvënësit e qëllimshëm", shkruan Peleshi.
Komente
Lajme të tjera
-
Krishtlindja/ Urime për paqe dhe dashuri nga Gjirokastra
25 Dhjetor, 12:00 -
Bllokohet aksi nacional Gjirokastër-Përmet, shkak rënia e inerteve nga lartësitë
23 Dhjetor, 17:38 -
Konferenca/ Peleshi: Bardhi e interpreton ndryshe, Parlamenti s’kontrollon vetveten! Duket veprim politik, periudha e zgjedhjeve s’e lejon ngritjen e Komisionit
23 Dhjetor, 13:58 -
'Mali' i borxheve fut në kolaps ujësjellësin e Tepelenës, drejtori: Prej vitesh nuk paguajnë familjet e varfra! Debitore dhe Bashkia e Tepelenës
23 Dhjetor, 10:34
-
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Kakavijë/ Kapen dy persona në hyrje të Shqipërisë, ishin të shpallur në kërkim për plagosje me dashje dhe pjesëmarrje në grup kriminal
23 Dhjetor, 08:40 -
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Tepelenë/ Borxhet ndaj Ujësjellësit kapin shifrën e 120 mijë eurove! Familjet e varfëra dhe Bashkia nuk paguajnë ujin
22 Dhjetor, 16:59
-
Gjirokastër/ Banesa përfshihet nga zjarri, shkak një defekt në bombulën e gazit! Shpëtojnë mrekullisht familjarët
21 Dhjetor, 15:40 -
Gjirokastër/ Makina del nga rruga te 'Ura e Kardhiqit', vdes drejtuesi 62-vjeçar
20 Dhjetor, 08:02 -
AMP arreston 2 policë! Njëri u denoncua nga ish-bashkëshortja, theu urdhrin e mbrojtjes dhe i vodhi valixhen me 5 milion lekë
19 Dhjetor, 10:58 -
‘Aperitivo italiano’, jazz & soul në Gjirokastër! Koncert me këngët më të bukura të muzikës italiane
16 Dhjetor, 14:52
Pse nuk perdorin dronet? Po rojet e pyjeve pse nuk i shtojne gjate sezonit te veres?
Përgjigju