Djegia e "Koha Jonë", rihapet dosja
Lesi: Të pyetet Berisha e Visho Ajazi

TIRANE- Prokuroria e Tiranës rihap dosjen e djegies së redaksisë “Koha Jonë” më 2 mars 1997.  

Botuesi i kësaj gazete, Nikollë Lesi u paraqit sot në Prokurorinë e Tiranës për të dhënë dëshminë e tij në lidhje me këtë ngjarje, ndërsa shton se kishte kërkuar në Prokurori të pyeten si persona që kanë dijeni edhe Sali Berisha, Visho Ajazi, Agim Shehu, dhe Agron Musaraj.

“Djegia e ‘Koha Jonë’ nuk mbyllet pa u ndëshkuar autorët”- tha Lesi pasi doli nga Prokuroria.

CFARE POSTI MBANIN NE 1997  
Sali Berisha mbante postin e Presidentit të Republikës së Shqipërisë.

Agim Shehu mbante postin e ish zv/ministrit të Brendshëm dhe ish-Drejtor i Policisë.

Agron Musaraj  mbante postin e Ministrit të Brendshëm.

Visho Ajazi mbante postin e zv. drejtor për Shërbimin e Jashtëm, në Shërbimin Informativ Kombëtar në kohën kur ky institucion drejtohej nga Bashkim Gazidede. Prej gushtit të 2012  Visho Ajazi ndodhet në krye të SHISH me dekret të presidentit  Nishani.

”Koha Jonë” ishte gazeta gazeta e parë e pavarur e private në Shqipëri, pas shembjes së komunizmit. Natën e 2 marsit 1997 redaksia e gazetës u dogj dhe drejtuesit e gazetës bënë përgjegjës Policinë Sekrete të Shtetit të asaj kohe. Një ditë më parë, ishte shpallur gjendja e shtet-rrethimit të shtetit. Në vitin 2012 Gjykata pushoi çështjen me arsyetimin se kanë kaluar afatet.
 
Redaksia online
(sg/shqiptarja.com)

TAG:
• visho ajazi lika