Do dombardonte Aleppon
rrëzohet në Mesdhe avioni rus

Ishte nisur nga aeroplanmbajtësja e epokës sovjetike, Admirali Kuznetsov, e ankoruar në Detin Mesdhe, për të bombarduar Aleppon, Siri, por rrëzohet vetëm pak minuta pas ngritjes. 

Tre avionë Mig29 u ngritën nga aeroplanmbajtësja dhe fluturuan në drejtim të Sirisë, por një prej tyre, u kthye pas dhe u përpoq të kthehej në bordin e saj.

Mediat raportojnë se avioni u detyrua të kthehej për shkak të një defekti teknik dhe u përplas në Mesdhe ndërsa piloti po përpiqej ta ulte në aeroplanmbajtëse.

Zyrtarë rusë raportuan se piloti u katapultua nga avioni në avari dhe pasi u shpëtua, u verifikua që nuk kishte asnjë dëmtim. Flota ruse i kërkoi të gjitha mjeteve lundruese në zonë që të qëndrojnë të paktën 5 milje detare larg vendit të rrëzimit, ndërsa kanë nisur hetimet për të zyrtarizuar shkakun e përplasjes.

Lajmi për rrëzimin e avionit rus vjen ndërsa Moska po përgatit bombardierët me rreze të gjatë veprimi Tu95 dhe Tu160 për sulmet e ardhshme në Siri.

Ekspertët thonë se humbja e një avioni luftarak, ndërsa nuk përbën asnjë problem material për Rusinë, është mjaft e sikletshme për debutimin e aeroplanmbajtëses së saj të vetme në luftën e Sirisë.

Redaksia Online
l.q/Shqiptarja.com