POP 5

Lajmet më të lexuara të 5 minutave të fundit

Sport

‘Do ketë çudira në futbollin shqiptar’, Sejdini për formulën e ‘final-four’: Fundi i meritokracisë!

Në intervistën për Report TV, ish-trajneri parashikon se do ketë çudira në rezultate si pasojë e kësaj skeme.

Superliga këtë të premte futet në fazën më interesante kur fillojnë të vendosen pikat mbi I, por formula e final four në fund të kampionatit mbetet shumë e disktuar. Zërave të shumë protagonistëve kundër formulës i është bashkuar edhe një emër i madh i futbollit shqiptar si Faruk Sejdini. Në intervistën për Report TV, ish-futbollisti dhe trajneri thotë se me formulën e re ka marrë fund meritokracia në futbollin shqiptar. Kjo formulë parashikon që pas 36 javëve kampionat 4 ekipet e vendeve të para do të përballen me njëra-tjetrën në gjysmëfinale dhe finale për të përcaktuar verdiktet e kampionatit.

“Kjo formulë më duket më irreale dhe utopike që unë kam dëgjuar gjatë gjithë karrierës time sportive. Përderisa kjo është një formulë që të heq meritokracinë, ose të gjithë djersën e 1 viti, që ta fshin me një të rënë të lapsit, mua më duket se ky s’është futboll. Me këtë formulë tani që fillon faza e tretë ose e katërt do shohim çudira në kampionatin tonë,”-u shpreh Faruk Sejdini, ish-trajner.

Si një ish-futbollist i cili të gjithë karrierën ia ka dedikuar Dinamos Faruk Sejdini u ndal edhe te ‘nëndetësja’. Ai thotë se gabimi i madh i drejtuesve ishte nisja e sezonit me një trajner italian i cili nuk e njihte realitetin shqiptar.

“Tan Mehmeti ishte trajner kur Dinamo erdhi në Superligë. E njihte situatën, lojtarët dhe më pas hap pas hapi do ndërtohej. Ata deshën (drejtuesit) pa kaluar filloren të shkonin në universitet. Në futboll nuk ndodhin këto kapërcime, etapa,”-tha Faruk Sejdini, ish-trajner.

Pas 18 javësh në Superligë Dinamo renditet në vendin e pestë me 22 pikë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

26 Dhjetor, 08:46