Kryeministri Edi Rama, zbulon detaje nga biseda me përfaqësues të aplikacionit Tik Tok për mbylljen e tij në Shqipëri, teksa ishte i pranishëm ditën e sotme në inspektimin e laboratorit të mediave digjitale në Universitetin e Tiranës.
Teksa u pyet nga një studente e gazetarisë lidhur me mbylljen e aplikacionit Tik Tok, Rama tha se aplikacioni do të mbyllet, pasi nuk ka zgjidhje tjetër dhe se i janë parashtruar shqetësimet përfaqësuesve të TikTok dhe në një kohë të arsyeshme ata do të paraqesin propozime.
‘Mendoj se për momentin nuk kemi një zgjidhje tjetër. Jemi në dialog me Tiktok, për t'i parashtruar zgjidhjet tona. E mira është se ata nuk kanë qenë refraktarë ndaj këtyre shqetësimeve. Dhe kemi rënë dakord në një kohë të arsyeshme kur ata të jenë gati, do të na paraqesin disa propozim për ti adresuar këto shqetësime.
Meqë jeni këtu departamenti i gazetarisë dhe jeni rojtarët e gjuhës. Një nga pikat është që Tiktok nuk e ka filtrin për gjuhën shqipe. Kam përshtypjen se edhe pse është një sfidë të vetme për t’i mundur të rinjtë të këtë fushë, një VPN e një shteti tjetër nuk do ta kenë të lehtë. Megjithatë kurrë mos thuaj kurrë me këtë brez që po na vjen’, tha ai.
Lidhur me mbylljen e Tik Tok, kryeministri Edi Rama zhvilloi më 21 janar 2025, një takim në Davos në punimet e Forumit Ekonomik Botëror, me Christine Grahn, kreun e Marrëdhënieve me Qeveritë dhe Politikën Publike të TikTok-ut për Europën.
Gjatë takimit me Grahn, Rama parashtroi shqetësimet që çuan në vendimin e mbylljes së përkohshme të aksesit në platformë nga Shqipëria. Kryeministri bëri të ditur se në takim u njoh po ashtu mbi rrugët e mundshme të adresimit të këtyre shqetësimeve nga ana e kompanisë. Vendimi për mbylljen e TikTok u mor nga qeveria pas një konsultimi të gjerë publik në dhjetor 2024. Kjo lëvizje erdhi pas vrasjes së 14-vjeçarit Martin Cani me thikë nga një bashkëmoshatar i tyre, pas një sherri të nisur në rrjetet sociale.
Teksa u pyet lidhur me sigurinë kibernetike, ai u shpreh se tashmë mbrotja nga sulmet kibernetike është forcuar.
‘‘Kemi bërë goxha punë, pas atij sulmi që patëm dhe kemi marr dhe vënë në dispozicionin të shtetit instrumente të sofistikuar dhe jemi në një pozicion më të fortë se kemi qenë më parë dhe është e vështirë të sulmohemi. Ne kemi sulme të vazhdueshme nga të 4 anët, por fati që nuk ndodh gjë është si rezultat i asaj që mbrojtja është bërë e fortë', tha ai', tha ai.
Laboratori i Integruar i Mediave Digjitale në UT, është një investim i financuar nga Ministria e Arsimit dhe Sportit, përmes Agjencisë Kombëtare të Kërkimit Shkencor dhe Inovacionit (AKKSHI). Laboratori synon të krijojë një standard të ri për kërkimin dhe mësimdhënien në fushën e komunikimit dhe mediave digjitale. Ky laborator do të ofrojë mbështetje për rreth 450 studentë dhe 48 pedagogë të Departamentit të Gazetarisë dhe Komunikimit.
Kryeministri Rama u pyet nga studentet edhe lidhur me memet që bëhen në rrjet për të. Ai tha memet dhe karikaturat që bëhen për të i pëlqejnë.
‘Mua më çudisin të gjithë politikanët që nxehen dhe që reagojnë madje ndonjëherë në mënyrë disporpocionale ndaj karikaturave, memeve e vënies në lojë. Unë nuk shoh TV në kohë reale, përveç sportit. Më pëlqen që kohën që kam për ekranin, të shoh filma. Por kur më thonë: ça të bënë te Portokallia, unë kënaqem. Të jesh në një karikaturë, në një meme, apo shoë satirik, dhe të mos jesh duhet të zgjedhësh, të jesh. Sepse kur je, je, kur s’je, s’je. Në këtë punë duhet të jesh’, tha ai.
Rama u pyet edhe lidhur me kritikat që bën herë pas herë ndaj gazetarëve. Ai tha se revoltohet kur një opinion paraqitet si fakt.
'Meraku im nuk është te kompjuteri. Meraku im është sesa juve do t'i përkushtoheni një gjëje tjetër që është kultura e të lexuarit dhe të shkruarit. Dhe sa ato fletët për ti lexuar në mëyrë digjitale janë tërheqëse sa të ndaloni e t'i lexoni. Nëse bëni këtë me siguri që do të jeni më pak të kritikueshëm. Ajo që të revolton nuk është kur thonë të vërtetën; ajo që të revolton është një opinion e paraqesin si fakt. Besoj se kultura e leximit dhe të shkruarit, janë sfida kryesore. Podcastin e bëmë, por as lexuam, thjesht bëmë muhabet. E di çfarë bëtë ndryshe nga gazetarët? Ju bëtë pyetje dhe unë u përjgigja. Nuk folët se kush është më i zoti dhe më i forti. Ju jeni dëshmitarë të historisë, ne jemi ata që bëjnë mirë apo keq', tha ai.
Kryeministri Rama ishte i pranishëm sot në një inspektim në laboratorin e mediave dixhitale në Universitetin e Tiranës, që do të shërbejë për praktikat mësimore të studentëve të gazetarisë dhe jo vetëm.
Përballë 2 studenteve të gazetarisë, kryeministri Rama ka treguar një episod me politikanin Pandeli Majko, kur ky i fundit i ka kërkuar që të heqë çorapet e kuqe dhe të martohet.
'Shiko, kravata është ishulli i fundit i lirisë që më ka mbetur. Mua më kujtohet që kur unë u bëra kryetar i Partisë Socialiste dhe të nesërmen shkova në zyrë dhe Pandeli Majko ishte bërë sekretar i Përgjithshëm dhe ne ishim kundërshtarë sepse ai u vendos kandidat nga grupi që mbështeste në atë kohë Rexhep Mejdanin që ishte në atë kohë kandidati rival i imi. Dhe ndërkohë nga ana jonë ishte Arta Dade që ishte kandidate dhe faktikisht 2 pozicionet i fituan 2 përfaqësues të 2 grupeve në atë Kongres dhe unë shkova tyek zyra e Pandit dhe i thashë “ti ishe kundër meje, por tani ne duhet të punojmë bashkë”. Më tha “para se ta hapim këtë bisedë, shko hiq çorapet e kuqe dhe martohu”. Besoj që aty ka filluar ndryshimi. I kam, por i vesh rrallë', tha ai.
Kryeministri Edi Rama, teksa ishte i pranishëm ditën e sotme në inspektimin e laboratorit të mediave digjitale në Universitetin e Tiranës, u pyet për sigurinë kibernetike.
Ai u shpreh se Shqipëria ka sulme nga të 4 anët, por tashmë mbrojtja nga sulmet kibernetike është forcuar.
‘Kemi bërë goxha punë, pas atij sulmi që patëm dhe kemi marr dhe vënë në dispozicionin të shtetit instrumente të sofistikuar dhe jemi në një pozicion më të fortë se kemi qenë më parë dhe është e vështirë të sulmohemi. Ne kemi sulme të vazhdueshme nga të 4 anët, por fati që nuk ndodh gjë është si rezultat i asaj që mbrojtja është bërë e fortë. Ne duket të jemi në gjendje që kur të na sulmojnë, të mund t'i zbarapsim. Amerika është një vend me një mbrojtje kibernetike të lartë dhe ka sulme që arrijnë ta prekin dhe të bëjnë dëm', tha ai.
Komente
Lajme të tjera
-
Jo vetëm gjimnaz! ‘Harry Fultz’ nga shtatori me universitet amerikan! Rama ironi: Fondacioni shqiptaro-amerikan do mbulojë bursa, jo vetëm grabitje
29 Janar, 11:31 -
Shkodër/ Restaurohet ‘Ura e Mesit’ mbi lumin Kir, vepra e arkitekturës osmane kthehet në destinacion për turistë dhe vizitorë
29 Janar, 09:53 -
Gazeta greke 'Kathimerini': Shqipëria dhe Greqia po zgjidhin mosmarrëveshjet, mbetet Ligji i Luftës dhe çështja e Çamërisë
28 Janar, 19:13 -
Berisha: Balluku mori 50 mln euro nga Tuneli i Llogarasë, i diktoi kompanisë turke ofertën! Njofton protestën e radhës
28 Janar, 15:25 -
Qytetari ankohet për oborret e shkollave, Rama: S’ka zaptime! Koha e grabitjes së pronave ka mbaruar, 45 të reja
28 Janar, 14:35 -
Trump: Microsoft në bisedime për të blerë TikTok-un
28 Janar, 12:56
-
Ish-Kinostudio shndërrohet në 'Tirana Training Center' me profesionistët e Hollywood-it, Rama: E paimagjinueshme më parë! Mundësi për Shqipërinë kreative
28 Janar, 11:45 -
PAMJET/ Rindërtohet shkolla 9-vjeçare ‘Ndre Mjeda’ në Shkodër, ambiente për 800 nxënës e mësues
28 Janar, 08:25 -
Gazetari izraelit: Shqipëria do të presë 100 mijë palestinezë nga Gaza! Rama rrëzon pretendimet: S'mund të bëjmë më shumë se vendet e tjera të BE
27 Janar, 21:17 -
Zbardhen 'debatet' në mbledhjen e PS/ Veterania i kërkon Veliajt ashensor në seli, 'irritohet' Rama: Nëse duam të respektojmë luftën, s'duhet të kërkojmë asgjë për vete
27 Janar, 18:31
-
Zgjedhjet/ Rama prezanton Braçen në njësinë 5, porosi për votën e diasporës: Duhet të përmbushim objektivat! Mbledh edhe delegatët e Tiranës
27 Janar, 16:31 -
‘SPAK është kthyer në parti aleate të Ramës’, Tedi Blushi: Po burgos dhe shantazhon drejtuesit e opozitës
27 Janar, 15:27
Edhe ne nuk te votojme me
PërgjigjuNdonjë gjë për Arben Ahmetaj ke?
Përgjigju