POP 5

Lajmet më të lexuara të 5 minutave të fundit

Kronikë

Do trafikonin 55 klandestinë drejt Italisë, por u mbyt gomonia, 9 vite burg për skafistin, 6 për pronarin e hotelit ku strehoheshin sirianët! Shpallen të pafajshëm 5 detarët (VIDEO)

Gjykata e Vlorës ka dënuar sot me 9 vite burg  Emiljano Likajn, skafistin i cili tentoi të dërgonte drejt Italisë 55 klandestinë sirianë, por u mbyt gomonia, ndërsa është dënuar me 6 vite Qazim Ismaili, pronari i hotelit ku ishin strehuar sirianët. Ismaili do të vuaj 4 vite për shkak të gjykimit të shkurtuar. 5 Ushtarakët e Forcave Detare janë shpallur të pafajshëm.

Ka përfunduar gjykimi për 5 detarët në Vlorë, të cilët akuzohet për shpërdorim detyre dhe kalim të paligjshëm të kufirit për 55 klandestinë nga Lindja e Mesme, të ndaluar teksa mjeti lundrues me të cilin po i drejtoheshin Italisë pësoi avari.

Gjyqtarja Arbana Selmanaj ka rrëzuar akuzat e prokurorisë, përfaqësuar nga Erjon Shqarri, duke i dhënë pafajësinë Bledar Bufajt, Roland Çanajt, Ardit Alikajt, Besmir Meçajt dhe Sefulla Bejas.

Pafajësinë mori edhe Fatos Dusha, pronari i hoteli në Tirane ku dyshohej se strehoheshin klandestinet.

Sakaq, gjykata vendosi dënimin me 9 vite burg për Emiljano Likajn, skafisti, dhe 6 vite burg për Qazim Ismaili, i cii strehonte emigrantët. Këtij të fundit dënimi i është konvertuar në 4 vite për shkak të gjykimit të shkurtuar.

Emiljano Likaj dhe Qazim Ismaili pritet të dalin edhe përpara Gjykatës së Posaçme pasi akuzohen si pjesë e rrjetit të trafikut ndërkombëtar të klandestineve. Akuza iu komunikua në finalizimin e operacionit ndërkombëtar “Astrolabio” ku u arrestuar 55 persona në tre shtete.

Më 8 janar një gomone me 55 klandestinë nga Lindja e Mesme dhe 3 trafikantë shqiptarë po tentonin të ikin drejt Italisë, por ka pësuar avari në rrethana ende të paqarta. Një telefonatë SOS “po mbytemi” nga një numër shqiptar ka çuar rojën bregdetarë gjatë natës në grykëderdhjen e lumit Vjosë, pranë fshatit Poro.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Vendosi eksploziv në një hotel në Theth, 39-vjeçari: Urdhrin e mora nga burgu

Vendosi eksploziv në një hotel në Theth, 39-vjeçari: Urdhrin e mora nga burgu

12 Janar, 11:50