POP 5

Lajmet më të lexuara të 5 minutave të fundit

Politikë

Dogana e Kosovës në portin e Durrësit, Rama: Hapi i parë i bashkimit doganor mes dy vendeve

Kryeministri Edi Rama dhe ministri i Transporteve në Kosovë, Fatmir Limaj kanë inaguruar doganën e Kosovës në portin e Durrësit. Ky bashkim vjen si rezultat i zbatimit të marrëveshjeve në takimin mes dy qeverive vitin e kaluar në Pejë, ku thuhej se nga 1 janari Shqipëria dhe Kosova do të unifikojnë doganat.

Kryeministri Edi Rama dhe ministri i Transporteve në Kosovë,Fatmir Limaj kanë inaguruar doganën e Kosovës në portin e Durrësit

Në fjalën e tij, Limaj u shpreh se ky hap është visioni i përbashkët i Shqipërisë dhe Kosovës dhe ai i rrugës drejt Europës.

Ndërsa në fjalën e tij kryeministri Rama tha: Më vjen shumë mirë që mblidhemi në një stacion tjetër për të çelur zyrën doganore të Kosovës në Durrës dhe për ta kthyer kështu Portin e Durrësit jo vetëm një doganë për Shqipërinë, por edhe për Kosovën. Dogana e saj këtu në Durrës është pika e bashkimit doganor. Vazhdimi i këtij procesi me vendosjen me të njejtin standard për të gjitha pikat doganore.

Më tej, Rama u shpreh se falenderonte ministritë e Mbrojtjeve të dy vendeve pasi falë punës së tyre në pranverë do të kemi një sistem shengen.

“Do të thotë që zyra e policisë në kufi është e përbashkët. Por kjo do të zgjasë edhe për pak kohë pasi në pranverë do të kemi një kufi totalisht fluid. Duam që këtë sistem ta vendosimn edhe me Malin e Zi. Kush na thotë se e kemi për Shqipërinë e Madhe u themi se është sajesë. Nuk ka Shqipëri të Madhe. Nëse duan ta bëjnë këtë diskutim, e bëjmë ne nuk kemi asgjë të fshehtë por jo tek kjo,”- tha më tej Rama.

Bashkimi i doganave mes dy vendeve vjen si rezultat i zbatimit të marrëveshjeve në takimin mes dy qeverive vitin e kaluar në Pejë. Një prej tyre ishte edhe se nga 1 janari Shqipëria dhe Kosova do të unifikojnë doganat mes dy vendeve. (LEXO KËTU)

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Këshilli Bashkiak miraton projektin e ri “Ecole 24”: Kurse falas në teknologji për të rinjtë

Këshilli Bashkiak miraton projektin e ri “Ecole 24”: Kurse falas në teknologji për të rinjtë

22 Korrik, 23:02