POP 5

Lajmet më të lexuara të 5 minutave të fundit

Politikë

Dokle do drejtojë seancën e
parë të Kuvendit, Berisha refuzoi

Pas refuzimit të Sali Berishës, do të jetë socialisti Namik Dokle që do të drejtojë seancën e parë të Kuvendit, më 9 shtator.  Kryeministri Berisha, më i vjetri deputet, lindur më 15 tetor 1944 e ka refuzuar publikisht një gjë të tillë.
Dokle do drejtojë seancën e<br />parë të Kuvendit, Berisha refuzoi
TIRANE - Pas refuzimit të Sali Berishës, do të jetë socialisti Namik Dokle që do të drejtojë seancën e parë të Kuvendit, më 9 shtator. Rregullorja e Parlamentit, në nenin 1, ia njeh këtë të drejtë deputetit më të vjetër në moshë, që rezulton të jetë Kryeministri Berisha, i lindur më 15 tetor 1944. Por ky i fundit e ka refuzuar publikisht një gjë të tillë, për shkak se ky pushtet ka ardhur nga klanet e drogës, krimit dhe blerjes së votës, siç tha ai para mediave më 23 Korrik, duke iu përgjigjur interesit të gazetarëve.

Rast ky i parashikuar edhe në rregullore, e cila saktëson se në rast refuzimi kalohet te deputeti tjetër më i vjetër në moshë. Ky është Namik Dokle, i lindur më 11 mars 1946. E njëjta rregullore parashikon që deri në zgjedhjen e kryetarit të ri, nuk zhvillohet asnjë debat mes parlamentarëve.

Ky i fundit pritet të jetë kreu i LSI, Ilir Meta, sipas një marrëveshje mes tij dhe kryesocialistit Edi Rama, të bërë publike nga vetë dy aleatët e koalicionit të majtë. Më 2005 seancën e parë të Parlamentit e drejtoi Lefter Xhuveli që sapo kishte kaluar nga socialistët te demokratët, ndërsa më 2009 kjo seancë u drejtua nga demokrati Fatos Beja.

Ky shkrim u botua sot në Shqiptarja.com, versioni print, dt.09.08.2013
Redaksia online
(ar.sh/shqiptarja.com)
 

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça