Doktoratura, dalin 1531 kuotat
përcaktohet tarifa e shkollimit

TIRANE- Qeveria ka publikuar dje në fletoren zyrtare 108 ndyshimet e reja që janë bërë me kuotat e pranimit për në doktoraturë për vitin akademik 2012-2013. Vendimi i datës 9 janar i ndryshuar më datën 13 qershor të vitit 2013. Në këte vendim të ndryshuar ka pasur shtim të kuotave dhe hapje të disa degeve të reja për doktoraturë.

Këtë vit akademik do të ketë doktoratura në degët “ Gazetari” në universitetin e Tiranës. Ndërsa në universitetin e Mjekësisë do të ketë doktoratura në disa profile të infermierisë. “Shkenca Infermierore me profil Infermieri, Shkenca Infermierore me profil Mami, Shkenca Infermierore me profil Fizoterapi, Shkenca Infermierore me profil Logopedi, Shkenca Infermierore me profil Teknikë Laboratori dhe Shkenca Infermierore me profil Teknik Imazhi”.

Gjithashtu studime për doktoraturë këtë vit akademik do të ketë edhe në universitetet e rretheve. Në atë “Aleksandër Moisiu” Durrës. “Ismail Qemali” Vlorë, “Fan. S. Noli” Korçë dhe në unversitetin “Luigj Gurakuqi” Shkodër.

Gjithsej do të jenë 1531 kuota për të gjitha Universitetet, nga këto 182 janë për kandidatët nga trojet dhe 12 për shtetasit e huaj, të cilët dëshirojnë të vazhdojnë studimet në Shqipëri. Doktoraturat në këto universitete do të jenë vetëm në disa degë. Ndërsa 1337 janë për studentët e diplomuar brenda vendit.

Kuotat e pranimeve për shtetasit e huaj, që do të studiojnë në institucionet publike të arsimit të lartë të Republikës së Shqipërisë, administrohen nga Ministria e Arsimit dhe Shkencës. Ato shpërndahen në bazë të marrëveshjeve dy apo shumëpalëshe, si dhe në bazë të kërkesave individuale, të paraqitura në Ministrinë e Arsimit dhe Shkencës nga persona të interesuar.

Tarifa e shkollimit për programet e studimeve të ciklit të tretë, të doktoratës, të përcaktuara në pikën 1, të këtij vendimi, është 216 320 lekë dhe paguhet në këste, të përcaktuara nga institucioni publik i arsimit të lartë.

Redaksia Online
(e.s/shqiptarja.com)