Ambasada e Italisë në Tiranë ka njoftuar se, për t’u ofruar një shërbim më të mirë shtetasve shqiptarë në aspektin ekonomik dhe në lidhje me lehtësimin e procedurave, duke filluar nga data 1 janar 2019, do të vendoset vula Apostile edhe për përkthimet e njohura (sikurse parashikohet në nenin 1 të Konventës së Hagës së datës 05.10.1961, në fuqi mes Italisë dhe Shqipërisë prej datës 01.07.2011).
Për të qenë të vlefshme në Itali, dokumentet e lëshuara nga Autoritetet shqiptare në Shqipëri duhet të jenë të pajisura me vulë Apostile të dyfishtë, të vendosur nga Ministria për Evropën dhe Punët e Jashtme e Shqipërisë: mbi dokumentin origjinal në gjuhën shqipe dhe mbi përkthimin e njohur në gjuhën italiane.
Pra, nuk do të jetë e nevojshme që të kërkohet legalizimi i përkthimit pranë autoriteteve konsullore italiane në Shqipëri.
Procedura e re që duhet ndjekur për të legalizuar përkthimin e njohur me vulë apostilë për dokumentet shqiptare që do të dorëzohen në Itali do të jetë si më poshtë:
Së pari, përkthimi do të kryhet nga një përkthyes i njohur firma e të cilit eshtë depozituar pranë Ministrisë së Drejtësisë. Përkthyesi do të vendosë në përkthim këtë diciturë: “Deklarohet se ky përkthim është i njëjtë me tekstin origjinal në gjuhën shqipe dhe se është kryer nga “Emri dhe Mbiemri”, përkthyes i njohur i akredituar pranë Ministrisë së Drejtësisë shqiptare.” Do të vendoset firma dhe vula e përkthyesit të njohur.
Në bazë të nenit 65 të Ligjit nr. 7829 datë 01.06.1994, një noter shqiptar do të deklarojë vërtetësinë e nënshkrimit dhe statusin ligjor të përkthyesit të njohur.
Mbi dokumentin dhe përkthimin do të vendoset vula “Apostile” nga ana e Ministrisë së Punëve të Jashtme të Shqipërisë.
Dokumenti origjinal i pajisur me Apostile dhe i shoqëruar nga përkthimi, po ashtu i pajisur me Apostile, mund të paraqitet pranë Autoriteteve italiane në Itali.
Procedura e re do të ketë kosto më të ulët se shifra 3.030 lekë, që kushton aktualisht, ndërsa koha e marrjes së shërbimit do të jetë më e shkurtër.
Kujtojmë se shtetasit shqiptarë kanë gjithsesi mundësi që të kryejnë përkthimin zyrtar të dokumenteve nga përkthyes të njohur në Itali.
Lajme të tjera
-
Si e paralajmëroi ambasadori italian ndarjen nga jeta të Enver Hoxhës: Mehmet Shehu ishte miku i tij më i mirë! Ai i ka shkatërruar të gjithë rivalët dhe pas vdekjes
14 Nëntor 2023, 12:15
-
Italo Calvino, bota e mjeshtrit italian në ilustrime! Në Qendrën e Librit ekspozita me 31 punime të përzgjedhura nga 500 artistë nga e gjithë bota
18 Tetor 2023, 17:07 -
‘Zemra’ e Romës në Tiranë, miqësore me vajzat e Partizanit dhe jo vetëm! Klubi italian në ndihmë të njerëzve në nevojë
7 Qershor 2023, 14:03 -
Personazhe publikë, muzikë nga Sanremo e fishekzjarrë! Si u festua 77-vjetori i Republikës Italiane në Tiranë, ambasadori Bucci: Shqipëria e Italia, si një popull i madh
3 Qershor 2023, 11:38
-
PROJEKTI/ Një godinë e re për Ambasadën Italiane! Bucci: E bukur dhe simbolike! Arkitekti: Në objekt kombinohet tradita italiane me shpirtin shqiptar
1 Qershor 2023, 16:22
-
Programi italo-shqiptar i Konvertimit të Borxhit për zhvillim, hapa faza e dytë e aplikimit të projekteve! Ambasadori Bucci: Histori suksesi
31 Mars 2023, 17:25 -
Vajzat e futbollit të Partizanit priten në Ambasadën Italiane, shumë shpejt miqësore me Romën
21 Shkurt 2023, 13:03 -
Ndihmë e re italiane për viktimat e tërmetit, 4 autoambulanca dhe 14 mjekë nisen për në Siri
11 Shkurt 2023, 12:18 -
Ambasadori italian takohet me Dumanin: Mbështetje e pakushtëzuar ndaj SPAK! Thelbësore puna e përbashkët ndaj korrupsionit
20 Janar 2023, 13:32 -
‘Degustohet’ vaji i ullirit italian, ministrja Krifca: Kemi 10.7 mln rrënjë ulli, por eksporti është i ulët
22 Nëntor 2022, 17:40
-
‘Nesër e përgjithmonë’, Ermal Meta në Tiranë si shkrimtar: Ndieja thirrjen e gjakut, por druhesha! Ky libër shënon kthimin tim të vërtetë në shtëpi
27 Tetor 2022, 11:12
-
Futboll për bamirësi! Gazetarë, aktorë dhe piktor bëhen bashkë nga ambasada italiane në 'Selman Stërmasi'
11 Tetor 2022, 17:18
