Faturën ekonomike të dëmeve nga vendimet e padrejta të ish kryetarit të bashkisë Kamëz, Xhelal Mziu duhet ta paguaj ai dhe jo qytetarët e Kamzës. Këtë ka kërkuar Rakip Suli, kryebashkiaku aktual i Kamzës i cili për mikrofonin e Report Tv shpjegoi arsyet pse kallëzoi tre herë në SPAK Mziun, për thertoren, mosmarrjen e 3 % nga lejet e ndërtimit që ka dhënë që i takon bashkisë dhe linjën e autobusit në Paskuqan.
“Kallëzimi parë është bërë para një viti, kallëzimi i dytë afërsisht para një viti dhe i treti para disa ditësh. Këtu nuk kemi të bëjmë fare me kohën zgjedhore që kemi por në vijimësi të paligjshmërisë që vërehen dhe shumë shpejt mund të jemi në kalbëzimin e katërt dhe se për çdo shkelje që do kap do i kallëzoj në spak”, tha Suli
Por çfarë ka ndodhur me këto tre kallëzime deri Tani? Suli tha se ende nuk ka marrë një përgjigje, por se SPAK ka marrë të gjithë dosjen në lidhje me çështjen.
“Ne s’kemi marrë ende përgjigje nga spak por ka marrë të gjithë dosjen e kësaj çështje. Pas një auditimi të brendshëm është gjetur një procedurë e nisur dhe për dhënien e një leje për linjën ë autobuzësh në njësinë Paskuqan, ku fituesi ka dalë në 20.1.2017 dhe brenda 60 ditësh duhet të lidhet kontrata me fituesin me linjën e autobusë dhe nuk është lidhur dhe kjo është bërë me dy vite më vonë. Dhe 10 ditë para se të largohej nga zyra e kryetarit të bashkisë. Në dy vite në këtë zonë që doli filtruesi kush e bëri këtë biznes, a funksioni kjo linjë? Nëse po ku janë taksat që i paguhen shtetit, nëse jo si i la qytetarët e zonës pa linjë. E tret ku është e drejta ligjore që pas 2 vitesh të lidhësh kontratën me fituesin. Kam bindjen që këtu është abuzim i drejtpërdrejti i ish kryetari të bashkisë për qëllime ekonomike, se cila është arsyeja tjetër”, tha Suli.
Ndalur te lejet e ndërtimit Suli denoncon se Mziu ka dhënë lejë pa marrë 3 % nga investitorët privat për llogari të bashkisë duke i shkaktuar një dëm ekonomik bashkisë
“Nga ish kryetari janë dhënë tre leje ndërtimi ku tek asnjëra, që janë me sipërfaqe mbi 2000 metra katëror, nuk është bërë marrëveshja për kalimin e kësaj pasurie sipas 3 % në pronësi të Bashkisë së Kamzës, duke u nisur nga auditi për këtë probleme kemi bërë një kallëzim në SPAK. Ky 3 % merret objekt sipërfaqe apartamenti ne funksion të familje për strehim social dhe nuk është aplikuar nga Mziu. Ky 3 % është bërë për shtresën më në nevojë dhe kjo sipërfaqe apartamentesh në pronësi të bashkisë ka mundësi të strehojë familje në nevojë”, tha Suli
Pak ditë më parë SPAK prangosi dy zyrtarë të bashkisë Kamëz për korrupsion, hetim për të cilin Suli thotë se përgjegjësia para ligjit është individuale për çdo zyrtar.
“Përgjegjësia është individuale dhe për këdo që ka një pozicion publik ka përgjegjësi ligjor si për zbatimin dhe nëse e shkel do përgjigjet para ligjit. Do ja lëmë kohës dhe secili të mbajë përgjegjësi individuale”, tha Suli.
Ndërsa ka paralajmëruar se shumë shpejt do padisë me të tjera prova Mziun në SPAK dhe shprehet Suli nuk e bën për politikë. Kreu i bashkisë së Kamzës ftoi Mziun dhe liderin e opozitës të ballafaqojnë ligjshmërinë e pasurisë para kamerave.
“Jam i gatshëm si Rakip nëse pranon që nga kryetari i opozitës Lulzim Basha dhe ish kryetari i bashkisë të dalin 5 minuta te kamera se sa kanë paguara Rakip Suli dhe sa e ka pasurinë dhe çfarë kanë paguar ata dhe sa e kanë pasurinë dhe ka ardhur momenti për të qene transparent dhe në media duke deklaruar pasurinë”, tha Suli
VIDEO/ Intervista e plote
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
Grabitja e 4.6 mln eurove në Rinas, GJKKO dënon me 18 vite burg Talo Çelën
21 Nëntor, 12:42
