Receta

Dollma me lakër nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 15 Nëntor 2023, 12:30 | Përditesimi: 15 Nëntor 2023, 12:32

Dollma me lakër

Përbërësit:

1 lakër e madhe jo shumë e ngjeshur
2-3 qepë mesatare
2 filxhanë kafeje vaj
250-300 gr mish i grirë
1 filxhan çaji oriz
Salcë domate
Lëng mishi ose koncentrat
Gjethe dafine
Kripë, piper
Majdanoz

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Për dollmat zgjidhet një kokë lakër e madhe dhe jo shumë e ngjeshur. E pastrojmë nga fletët e dëmtuara, e presim koçanin deri në brendësi dhe e vendosim të ziejë me koçan poshtë në ujë të vluar me kripë për 5 minuta. E kullojmë lakrën sa është ende e ngrohtë, hapim fletët në tavolinë ose rreth e qark tepsisë, shtypim

kërcellin dhe përgatisim mbushjen. Kaurdisim qepën derisa të vyshket, shtojmë mishin e grirë dhe orizin e pastruar dhe të larë, vazhdojmë kaurdisjen për pak minuta dhe më pas hedhim salcën, kripën, piperin, gjethen e dafinës, pak lëng mishi ose koncentrat dhe e lemë të ziejë sa të bëhet një masë e shkrifët (pa zier orizi plotësisht). Hedhim majdanozin e grirë dhe përgatisim dollmat. Në fundin e tenxheres vendosim disa gjethe lakre të ziera. Fletëve të lakrës i shtypim kërcellin, vendosim mbushjen e përgatitur, mbledhim anët, i palosim në formë roleje, i shtrëngojmë pak me dorë dhe i vendosim në tenxhere duke i ngjeshur afër njëra-tjetrës, që të mos hapen gjatë zierjes.

MC/Shqiptarja.com

TAG: