POP 5

Lajmet më të lexuara të 5 minutave të fundit

Sport

Dominim amerikan në basketbollin e meshkujve, 'Dream Team' mund 87-82 Francën dhe fiton medalje ari në Tokio, triumf në katër olimpiada radhazi

SHBA-të në basketbollin e meshkujve konfirmohen si skuadra më e mirë në botë. Amerikanët fituan ndaj Francës 87-82 në finale dhe siguruan medaljen e artë në Tokio 2020. Ky është triumfi i katërt radhazi në Olimpiada për atë që njihet si “skuadra e ëndrrave”.

Shtetet e Bashkuara të Amerikës fitojnë Olimpiadën e katërt radhazi në basketboll për meshkuj. SHBA-të apo ai që njihet si “Dream Team” pra skuadra e ëndrrave nuk ka pasur rival as në Lojërat Olimpike të Tokios. Basketbollistët amerikanë mundën Francën në ndeshjen finale me rezultatin 87-82 dhe fituan medaljen e artë. Ky është triumfi i katërt radhazi për amerikanët në basketbollin e meshkujve në Olimpiada pas triumfeve që kanë pasur në Pekin 2008, Londër 2012 dhe Rio 2016.

Tek ekipi amerikan ai që shkëlqeu më shumë se të gjithë ishte basketbollisti Kevin Durant që futet në histori me suksesin e tretë në Lojërat Olimpike ndërsa Franca duhet të kënaqet me medaljen e argjendit për herë të tretë në Olimpiada. Durant shënoi 29 pikë për amerikanët ndërsa pas tij erdhi Tatum me 19 pikë. Tek francezët pikëshënuesi më i mirë ishte me 16 të tilla Gobert. Basketbollistët amerikanë duket se humbjen në ndeshjen e parë në Tokio 2020 pikërisht nga Franca e morën si leksion dhe fituan finalen pikërisht ndaj transalpinëve. SHBA-të në basketbollin e meshkujve konfirmohen si skuadra më e fortë në botë duke fituar katër Olimpiada radhazi./Përgatiti Andi Kapxhiu

I.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

'Shkodra Elektronike' fitoi Fest 63, kryetari Beci mirëpret këngëtarët në ambientet e bashkisë

'Shkodra Elektronike' fitoi Fest 63, kryetari Beci mirëpret këngëtarët në ambientet e bashkisë

26 Dhjetor, 14:31 nga Ergys Kavaja