POP 5

Lajmet më të lexuara të 5 minutave të fundit

Bota

Donald Trump do të takohet sot me Biden në Shtëpinë e Bardhë

Donald Trump do të pritet në shtëpinë e bardhë nga Presidenti në detyrë Joe Biden për një takim tradicional informal sot. Takimi në dhomën ovale simbolizon kalimin dhe tranzicionin e paqtë të pushtetit

Donald Trump rikthehet këtë të mërkurë si fitimtar në shtëpinë e Bardhë. Presidenti në detyrë Joe Biden do e presë atë për një takim informal në zyrën ovale, një traditë qindra vjeçarë që simbolizon tranzicionin demokratik dhe të paqtë të pushtetit nga administrata e njërit president tek ajo pasuesja.

Hera e parë kur Trump u bë pjesë e këtij rituali, ishte viti 2016 kur ai fitoi zgjedhjet dhe presidenti i kohës Barak Obama e ftoi në zyrën ovale përpara inaugurimit. Por katër vite më vonë Trump në detyrën e presidentit, nuk bëri të njëjtën gjë me Joe Biden të cilin e akuzoi së bashku me demokratët se manipuluan procesin zgjedhor. Kjo ishte hera e parë që tradita prishej në 155 vite. Biden ka këmbëngulur që tranzicioni i pushtetit të jetë sa më i butë, qasje kjo qe vjen thuajse pas një viti të cilin ai e ka shpenzuar duke bërë fushatë së pari për rikandidimin e tij dhe më pas për Kamala Harris kundër Trump të cilin e ka quajtur një kërcënim për demokracinë dhe vlerat amerikane.

Marrja e pushtetit nga Presidenti i ri në SHBA merr të paktën dy muaj që nga data e zgjedhjeve. Në datën 17 dhjetor kolegji elektoral duhet të votojë Trumpin si president të ardhshëm të SHBA dhe më pas ky votim i certifikuar i dërgohet kongresit. Në 6 janar brenda kongresit do të realizohet realizohet verifikimi përfundimtar i rezultatit nga Senati. Për detyrën e kryetarit të senatit e mban zv presidenti dhe do të jetë Kamala Harris ajo e cila do të vulosë zyrtarisht marrjen e detyrën nga Trump. Etapa e fundit e marrjes së detyrës është ajo që njihet si ‘Inauguration Day’, ku presidenti shfaqet publikisht në Uashington dhe betohet në një ceremoni. 

Xh.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58