Donald Trump emërohet për çmimin Nobel të paqes

Një eurodeputet estonez ka nominuar ish-presidentin e SHBA-së Donald Trump për Çmimin Nobel për Paqe.

Jaak Madison, një anëtar i partisë së djathtë populiste EKRE, tha në rrjetet sociale se Trump kishte kontribuar në sigurimin e stabilitetit në Lindjen e Mesme. Në vitin 2020, Izraeli dhe Emiratet e Bashkuara Arabe ranë dakord për një marrëveshje historike për normalizimin e marrëdhënieve.

Eurodeputeti duke përmendur aplikimin e tij për emërimin shkroi në rrjetet sociale se "Donald Trump është presidenti i parë i Shteteve të Bashkuara  ku zyra e të cilit, nuk ka filluar asnjë luftë në tridhjetë vitet e fundit. Përveç kësaj, disa marrëveshje paqësore janë bërë nën udhëheqjen e tij në Lindjen e Mesme, të cilat kanë ndihmuar në paqen dhe sigurimin e stabilitetit në rajon .

Madison gjithashtu konfirmoi se ai e kishte paraqitur nominimin "saktësisht dy orë" para afatit të 31 janarit. Sipas faqes në internet të fondacionit, ligjvënësit që aktualisht shërbejnë në një legjislaturë kombëtare mund të nominojnë dikë për Çmimin Nobel për Paqe.

Në shtator të vitit të kaluar, një ligjvënës norvegjez i ekstremit të djathtë gjithashtu paraqiti emrin e Donald Trump në Komitetin Norvegjez të Nobelit, i cili nuk komenton publikisht mbi të nominuarit.

Në vitin 2009 vetëm disa muaj nga mandati i tij i parë në detyrë ish Presidentit të SHBA Barack Obama iu dha çmimi Nobel.

Ndërkohë, partia konservatore e Estonisë EKRE ka gjeneruar më parë polemikë kur Ministri i Brendshëm Mart Helme etiketoi Presidentin e zgjedhur në atë kohë Joe Biden një "karakter të korruptuar" dhe vuri në dyshim integritetin e zgjedhjeve presidenciale të SHBA.

B.K./Shqiptarja.com

TAG:
• donald trump
• Nobel