Donald Trump paralajmëron Mark Zuckerberg: Nëse ‘Meta’ ndërhyn në zgjedhje, do e kalosh pjesën tjetër të jetës në burg

Ish-Presidenti Donald Trump, ka kritikuar CEO-n e Meta, Mark Zuckerberg, në librin e tij të ardhshëm, duke akuzuar manjatin e teknologjisë për minimin e tij në zgjedhjet e fundit dhe duke paralajmëruar për një burgim të mundshëm.

Trump rrëfeu takimin me Zuckerberg në kohën e zgjedhjeve të vitit 2020 në librin e tij të ardhshëm “Save America”, i cili do të dalë më 3 shtator.

“Ne po e vëzhgojmë atë nga afër dhe nëse ai bën ndonjë gjë të paligjshme këtë herë, ai do të kalojë pjesën tjetër të jetës së tij në burg, ashtu si të tjerët që mashtrojnë në zgjedhjet presidenciale të 2024,” shkruhet në librin që do të botojë Trump.

LEXO EDHE:
Melania rrëfen takimin e parë me Donald Trump: Ishte i shoqëruar nga një grua tjetër, por më kërkoi numrin e telefonit

Presidenti i 45-të ka sulmuar vazhdimisht shefin e Meta-s në të kaluarën. Në fillim të këtij viti ai e hodhi poshtë partinë e tij dhe shprehu mbështetje për TikTok, duke paralajmëruar se “nëse e hiqni qafe TikTok, Facebook dhe Zuckerschmuck do të dyfishojnë biznesin e tyre”.

Kongresi më vonë miratoi një projektligj dypartiak për të detyruar kompaninë mëmë të TikTok, ByteDance, të largohet nga platforma popullore e ndarjes së videove ose të përballet me një ndalim nga dyqanet kryesore të aplikacioneve, shkruan New York Post.

Ky legjislacion erdhi si përgjigje ndaj shqetësimeve të sigurisë kombëtare.

Xh.K/Shqiptarja.com

TAG:
• zgjedhjet presidenciale ne SHBA
• Mark Zuckerberg
• donald trump