Dorëhiqet ministri i brendshëm
francez, punësoi vajzat minorene

Ndërsa Franca është duke shkuar drejt zgjedhjeve presidenciale një tjetër skandal përfshin politikën e brendshme. Ministri i Brendshëm Bruno le Roux  jep dorëheqjen pasi po hetohet se ka punësuar vajza e tij minorene si asistene në parlament.

Dorëheqja e tij erdhi pas takimit me kryeministrin Bernard Cazeneuve.

Ministër i brendshëm pritet të vendoset socialisti Matias Fekl. Dy vajzat e e tij nisën punën në parlament kur ishin vetë, 15 dhe 16 vjec ende pa mbaruar shkollën e mesme.

Dhe në atë kohë ato paguheshin rreth 55.000 euro. Njëra prej tyre ishte e punësuar si asistene ndërsa frekuentonte edhe mësimet univeristare, ndërsa tjetra ndodhej në stazh në Belgjik. 

Ministri u shpreh se bëhej fjalë për punë shtesë të domosdoshme që vajzat të plotësonin kurrikulumin e tyre. 

Sipas të përditshmeve vajzat kanë mbledhur rreth 14 dhe 10 kontrata pune.

Pak ditë më parë kryeministri Cazeneuve u shpreh se përfaqësuesit e qeverisë duhet të ishin të pastër përndryshe sipas tij autoriteti i shtetit  dobësohet.

Në fakt një skandal i tillë i ngjashëm ka përfshirë edhe kandidatin presidencial Francois Fillon i cili po hetohet se gruaja dhe fëmijët e tij kanë qënë të punësuar në pozicione publike pa qënë të pranishëm në vendine  punës.

Skandali “ Penelopegate” lind pas dyshimeve se familja Fillon ka përfituar rreth 900 mijë euro pa punuar asnjë ditë ndonëse rezulton të punësuar.

Ndërsa Fillon tashmë akuzohet edhe për mashtrim.

Redaksia Online
e.m/Shqiptarja.com