POP 5

Lajmet më të lexuara të 5 minutave të fundit

Bota

Dorëhiqet zyrtari i Pentagonit, trysni nga Presidenti

John Rood, një ndër disa anëtarët e ekipit të sigurisë kombëtare të Trump, dha dorëheqjen me kërkesën e Presidentit pasi dyshohej i përfshirë në polemikat rreth Ukrainës.

Dorëhiqet zyrtari i Pentagonit, trysni nga Presidenti

Një zyrtar i lartë i Pentagonit dha dorëheqjen me kërkesën e Presidentit Donald Trump. John Rood është njëri ndër disa anëtarët e ekipit të sigurisë kombëtare të Presidentit Trump, të përfshirë në polemikat rreth Ukrainës, që lirohet nga detyra.

"Do të doja të falënderoja zotin John Rood për shërbimin ndaj vendit tonë, dhe t'i uroj gjithë të mirat për të ardhmen," tha në Twitter Presidenti Trump.

John Rood shkruante në një letër drejtuar Presidentit Trump, se “jam vënë në dijeni nga Sekretari i Mbrojtjes Mark Esper që ju keni kërkuar dorëheqjen time".

Rood, zyrtari më i lartë për politikën në Departamentin e Mbrojtjes, certifikoi vitin e kaluar se fushata antikorrupsion e Ukrainës kishte përparuar mjaftueshëm për t’i zhbllokuar asaj ndihmën ushtarake amerikane. Ai është një tjetër zyrtar i administratës që shkarkohet nga zoti Trump, pas gjyqit në Senat që e liroi presidentin nga akuzat e ngritura prej demokratëve të Dhomës së Përfaqësuesve.

Certifikimi u perceptua si një përpjekje për të minuar argumentin e ekipit mbrojtës të Presidentit Trump gjatë procesit gjyqësor në Senat se presidenti nuk pranoi të zhbllokojë ndihmat nga shqetësimi i korrupsionit në Ukrainë.

Zëdhënësi i Shefit të Pentagonit, Jonathan Hoffman tha se shkarkimi i John Rood i jep Presidentit Trump "mundësinë dhe aftësinë për të pasur ekipin që ai dëshiron të ketë".

Më 7 nëntor, Presidenti Trump shkarkoi nënkolonel Aleksandër Vindman nga pozicioni i tij në Këshillin e Sigurisë Kombëtare pasi Vindman dëshmoi para hetuesve të Dhomës së Përfaqësuesve në kundërshtim me dëshirat e Shtëpisë së Bardhë.

U shkarkua gjithashtu vëllai binjak i Vindmanit, Yevgeny Vindman, i cili ishte avokat në Këshillin e Sigurisë Kombëtare dhe nuk ishte i përfshirë në seancat për shkarkimin e presidentit së bashku me ambasadorin e SHBA pranë Bashkimit Evropian Gordon Sondland./ voa

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Veliaj: Shpërblime për fundvit për 4360 mijë punonjës të shërbimeve mbështetëse

Veliaj: Shpërblime për fundvit për 4360 mijë punonjës të shërbimeve mbështetëse

26 Dhjetor, 17:52