Dy herë kaluan në avantazh verdhezinjtë e Thomas Tuchel në "Veltins Arena", por po aq herë u barazuan nga "blutë mbretërorë".
Borussia shënoi fillimisht me anë të japonezit Kagaqa në minutën e 49-të, ndërsa Schalke u përgjigj vetëm 3 minuta më pas, duke barazuar me talentin Sane.
Në minutën e 56, Mattias Ginter do të kërcente mbi mbrojtjen e vendasve, duke çuar në 1:2 shifrat për Borussian.
Goli i barazimit për Schalke 04 do të vinte nga pika e bardhë e penalltisë në minutën e 66-të nga sulmuesi holandez, Klaas Jan Huntelaar.
Me vetëm një pikë nga ky takim, Borussia Dortmund, i largohet me shtatë pikë kreut të renditjes që mbahet nga Bayern. Në mesjavë, Dortmund udhëton drejt Liverpool, ku do të zhvillojë ndeshjen e kthimit të çerekfinaleve të "Europa League".
Redaksia Online
Shqiptarja.com