Dosja e privatizimit të 'Partizanit'/ Në 2011 Bektashi tërhoqi nga banka 80 mijë cash për 3 muaj për tia dhënë Jamarbër Malltezit si 'kontribut patriotik'

Pas kqyrjes së llogarive bankare të shoqërisë Homeplan sh.p.k. rezulton se për mars, prill dhe maj 2011 janë evidentuar tre tërheqje cash. Këto janë kryer nga Fatmir Bektashi, si administrator i firmës dhe i janë dhënë Malltezit për "kontribut Patriotik".

Sipas dosjes janë bërë 3 tërheqje nga llogaria bankare e Homeplan për llogari të Malltezit  

Më 15.03.2011 u tërhoq shuma në vlerën 50 001 euro

Më 13.04.2011 u tërhoq shuma në vlerën 20 001 euro

Më 04.05.2011 u tërhoq shuma në vlerën 10 001 euro

Pas kqyrjes së llogarive bankare të shoqërisë Homeplan sh.p.k. rezulton se janë evidentuar tre tërheqje në datat 15.03.2011 në vlerën 50 001 euro; në datën 13.04.2011 në vlerën 20 001 euro; në datën 04.05.2011 në vlerën 10 001 euro, të kryera nga Fatmir Bektashi, si administrator i firmës, tërheqje cash, nga llogaria bankare e ndodhur pranë .... me nr....
Këto shuma janë evidentuar edhe në disa tabela të tjera të sekuestruara pranë studio Pustinës, të cilat mbajnë përshkrime për llogari të shtetasit Jamarbër Malltezi i identifikuar si (JM) dhe të shoqëruar herë pas here edhe me fjalët "KP" ose "Kontribut Patriotik" thuhet në faqen 130 të dosjes së SPAK.

Kjo shumë e marrë në vitin 2011 nga shoqëria Homeplan, nuk figuron në deklaratën e dorëzuar nga shtetësja Argita Malltezi pranë ILDKPKI-së kurse Jamarbër Malltezi nuk ka deklaratë vjetore për këtë vit.

Lajmi kryesor:

SPAK përgënjeshtron Berishën! Dokumenti kur Malltezi mori 547 mijë euro cash! Ish kryeministri tha se çdo gjë u bë me bankë! Provat që 'kryqëzojnë'

S.G/Shqiptarja.com

TAG:
• Jamarbër Malltezi
• ish kompleksi partizani
• spak heton partizanin
• sali berisha