Dosja/ Kërcënohet me jetë ish drejtori i Burgut 313: Do të djeg ku të dhemb më shumë, gjaku yt do.... (ish zyrtari dhe familja e tij pa mbrojtje nga shteti)

Dosja/ Kërcënohet me jetë ish drejtori i Burgut 313: Do të djeg ku të dhemb më shumë, gjaku yt do.... (ish zyrtari dhe familja e tij pa mbrojtje nga shteti)

Burgu 313

Ish-drejtori i burgut 313 në Tiranë gjatë viteve 2020-2021, Edison Metaj, është kërcënuar me jetë nga një person apo disa persona të paidentifikuar, vetëm disa muaj pas largimit nga detyra. Paraditen e 13 majit 2022, Metaj, 46 vjeç, ka marrë disa mesazhe me përmbajtje kërcënuese ndaj tij dhe familjes së tij, përmes platformës së komunikimit SINGAL.

"Do të djeg ku të dhemb më shumë... mos hap gojë në polici... hera e fundit...", janë disa nga mesazhet kërcënuese.

Ditën që ka marrë mesazhet shqetësuese, Metaj është paraqitur në Prokurorinë e Tiranë, duke depozituar një kallëzim penal.  Në deklarimin e tij në organin e akuzës, ish drejtori i burgut më të rëndësishëm në Shqipëri, ka shprehur bindjen se kërcënimet i kanë ardhur për shkak të detyrës, për të cilën shprehet se e ka kryer me korrektësi.

Po gjatë muajt maji 2022, ish drejtori i burgut ka bërë një tjetër kallëzim në Prokurorinë e Tiranë, gjithashtu për kërcënim. Këtë herë, sipas materialit kallëzues, kërcënimi ishte më konkret, me anë të një letre alumini të hedhur në ballkon, në të cilin ishin futur 3 fishekë model 9mm, një copë betoni dhe një letër ku shkruhej 'gjaku yt...'.

Në banesë ka shkuar një grup hetimor, për të bërë këqyrjen e sendit.  Ish zyrtari i lartë i burgjeve nuk është marrë në mbrojtje nga policia, ndërsa nuk dihet se çfarë veprimesh hetimore janë ndërmarrë nga prokuroria.  Burgu 313 konsiderohet më i rëndësishmi në Shqipëri, brenda të cilit aplikohet edhe izolimi brenda burgut '41 biss', për anëtarët dhe krerët e grupeve kriminale.

 

K.T./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Tempulli' deri tani u sekuestruan mbi 1600 kg drogë, Balla: Do vijojmë

'Tempulli' deri tani u sekuestruan mbi 1600 kg drogë, Balla: Do vijojmë