Dosja "Xhuvani", Halimi:
"Prokuroria cënon jetën"

TIRANË – Ministria e drejtësisë i çon presidentit Topi dosjet e gjykimit të djalit të aktores Luiza Xhuvani, Kostandin Xhuvani, i cili u dënua nga gjykata me dy vite burg me akuzën për vrasje.
Pas publikimit të raportit të inspektimit, ministri i drejtësisë Eduard Halimi u shpreh se dënimi me dy vite burg është politikë penale e papranueshme. Për këtë arsye ai se raporti do të dërgohet në Presidencë, pasi kreu i shtetit është dhe Kryetari i Këshillit të Lartë të Drejtësisë, i cili ka autoriteti të marrë vendime, por edhe tek prokuroja e përgjithshme Ina Rama.
"Siguria publike cënohet rëndë në rast se politika penale ndaj agresoreve të jetës së qytetarëve ushtrohet në mënyrë selektive nga Prokuroria , të cilës Kushtetuta në nenin 148 ia ka besuar këtë funksion për ushtrimin e ndjekjes penale dhe përfaqësimit të akuzës në gjykim. Një politikë penale që kërkon vetëm 2 vjet burgim, ndaj agresorëve të jetes së qytetarëve është e papranueshme", tha ministri.
Në raportin drejtuar institucioneve të drejtësisë, ministry Halimi procedim disiplinor për prokurorin e çështjes “Xhuvani” si dhe kryeprokurorin e Tiranës.

VENDIMI

Gjykata e Tiranës deklaroi fajtor dhe dënoi me 2 vjet burg Kostandin Xhuvanin, djalin e artistëve Luiza dhe Gjergji Xhuvani. I riu akuzohet për vrasjen me armë zjarri të 26-vjeçarit Alfed Musabelliu në Qytetin Studenti në Tiranë. Ai u shpall fajtor për veprat penale të “vrasjes së kryer në kapërcim të kufijve të mbrojtjes së nevojshme” dhe për “prodhim dhe mbajtje pa leje të armëve luftarake”.
Në të njëjtin vendim u deklarua fajtor edhe i bashkëpandehuri i tij, Albi Zela. Ai u dënua me 14 muaj burg për kryerjen e veprës penale të “moskallëzimit të krimit”. Xhuvani dhe Zela u akuzuan nga prokuroria për përfshirjen e tyre në një ngjarje të ndodhur mëngjesin e 12 shkurtit të këtij viti në rrugën “Ali Visha” në Tiranë.