POP 5

Lajmet më të lexuara të 5 minutave të fundit

Politikë

Drafti/ BE vlerëson reformat në Shqipëri, por s'ka datë për konferencën

Këshilli i BE ka dalë me një draft mbi ecurinë e Shqipërisë dhe Maqedonisë së Veriut për hapjen e negociatave. Shqipëria është vlersuar për ecurinë e reformave por në konkluzionet e Këshillit nuk ka ende një date se kur do të mbahet konferenca ndërqeveritare me dy vendet.

Drafti/ BE vlerëson reformat në Shqipëri, por s'ka datë për konferencën

TIRANË- Këshilli i BE ka dalë me një draft mbi ecurinë e Shqipërisë dhe Maqedonisë së Veriut për hapjen e negociatave. Shqipëria është vlersuar për ecurinë e reformave, megjithtë është theksuar se ende nevojitet shumë punë për të arritur në përcaktimin e një një date se kur do të mbahet konferenca ndërqeveritare.

Këshilli shpreh angazhimin për të mbështetur Shqipërinë në realizimin e reformave dhe plotësimin e kushteve për mbajtjen e konferencës ndërqeveritare, por thekson se është me rëndësi thelbësore funksionimi i Gjykatës Kushtetuese.

Nevoja për dialog politik konsiderohet gjithashtu një faktor i rëndësishëm.

“Këshilli nënvizon se dialogu politik në vend ka nevojë të forcohet më tej, veçanërisht në reformën zgjedhore dhe zbatimin e saj. Transparenca e financimit të partive politike gjithashtu duhet të sigurohet”, thuhet në draft.

Vlerësime ka dhe për punën për Reformën në Drejtësi.

“Këshilli mirëpret përparimin e mirë të Shqipërisë në fushën e sundimit të ligjit, përfshirë këtu zbatimin e reformës gjithëpërfshirëse të drejtësisë, e cila ka përparuar në mënyrë të qëndrueshme, dhe në forcimin e luftës kundër korrupsionit dhe luftën kundër krimit të organizuar, ku u finalizua krijimi i strukturave të specializuara kundër korrupsionit dhe krimit të organizuar”

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Zeqo: 30/11/2020 17:33

    Shkruani te verteten boll e devijuat! Nuk celen negociatat se nuk u plotesuan kushtet por ju jeni te gjithe politikanet qe nga Meta, Luli, Rama e deri tek te gjithe gjykatesit e prokuroret e cdo lloj administrate. Turp tju vij o plera.

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Shqipëri-BE marrëveshje bashkëpunimi për sigurinë e mbrojtjen, Rama: Lidhje e pandashme! Hasani: Luftojmë kërcënimet kibernetike

Shqipëri-BE marrëveshje bashkëpunimi për sigurinë e mbrojtjen, Rama: Lidhje e pandashme! Hasani: Luftojmë kërcënimet kibernetike

18 Dhjetor, 11:31