POP 5

Lajmet më të lexuara të 5 minutave të fundit

Politikë

Drafti i “Venecias” bashkon PD
e LSI: Jemi plotësisht dakort

Kryetari i Partisë Demokratike Lulzim Basha dhe kreu i grupit parlamentar të Lëvizjes Socialiste për Integrim, Petrit Vasili i cilësojnë rekomandimet e Komisionit të Venecias si rruga e vetme përmes të cilave finalizohet reforma në drejtësi. Ambasadori Donald Lu u dorëzon draftin e Komisionit të Venecias, Berishës e Bashës.  VIDEO
Drafti i “Venecias” bashkon PD<br />e LSI: Jemi plotësisht dakort
Kryetari i Partisë Demokratike Lulzim Basha dhe kreu i grupit parlamentar të Lëvizjes Socialiste për Integrim, Petrit Vasili i cilësojnë rekomandimet e Komisionit të Venecias si rruga e vetme përmes të cilave finalizohet reforma në drejtësi. Ishte ambasadori amerikan Donald Lu ai që u dorëzoi draftin e Komisionit të Venecias, Berishës e Bashës.

Basha me Lu: Drafti i Venecias harta për reformën në drejtësi
Reforma në drejtësi duhet të ketë busull vetëm rekomandimet e Komisionit të Venezias, të cilat përputhen me qëndrimin e Partisë Demokratike. Këtë mesazh dha lideri i opozitës Lulzim Basha duke shtuar se i takon mazhorancës të ndjekë këtë rrugë për të ecur para në këtë proces të konsideruar kyç për integrimin e vendit tonë në Bashkimin Evropian. 

Duke mbajtur në duar raportin përfundimtar që Komisioni i Venezias hartoi pasi mori në shqyrtim draft-propozimet e ekspertëve të nivelit të lartë, kryedemokrati Basha tha se Partia Demokratike po përpiqet për një reformë të thellë në gjyqësor që lufton korrupsionin dhe të inkriminuarit.

Ai iu drejtua me një apel kryeministrit Rama, kryeparlamentarit Meta dhe krerëve të forcave të tjera politike që t'i referohen rekomandimeve këshilluese të këtij institucioni të pavarur për reformën në drejtësi.

"Ky mesazh i drejtohet kryeministrit Edi Rama, Ilir Metës, Partisë Socialiste, LSI-së, deputetëve dhe gjithë qytetarëve shqiptarë. Drafti për reformën në drejtësi është harta e rrugës. Partitë politike duhet ta ndjekin për të përfunduar reformën. Ju bëj thirrje sot, Ramës, PS , LSI të bëhen pjesë e përpjekjes së PD për një reformë të plotë, të thellë për të luftuar korrupsionin. Ftoj palët të angazhohen", tha Basha.

Këtë deklaratë kreu demokrat Lulzim Basha e dha pas një takimi që pati në selinë blu me ambasadorin amerikan në vendin tonë Donald Lu, i cili i dorëzoi raportin e Komisionit të Venezias. Kryediplomati amerikan gjatë ditës së djeshme e konsideroi të mirëhartuar draft-propozimin e ekspertëve për reformën në drejtësi, por edhe ai la të hapur mundësinë për t'u përmirësuar me rekomandimet e Komisionit të Venezias, por edhe me propozimet e vetë qytetarëve, ekspertëve të opozitës dhe faktorëve të tjerë që preken drejtpërdrejt nga reformimi i drejtësisë.

Redaksia Online
Gre.M/Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

'Topalli me diasporën, nuk e di a do ketë energji?!' Meçe në 'Studio Live': Nuk e shoh normale që sekretet e shtetit të jenë tek telefoni i Monikës

'Topalli me diasporën, nuk e di a do ketë energji?!' Meçe në 'Studio Live': Nuk e shoh normale që sekretet e shtetit të jenë tek telefoni i Monikës

5 Nëntor, 18:28