Drafti për energjinë, shtyhet votimi 
Rama: Shkelët ligjin për pushtet

TIRANE - Kuvendi ka shtyrë pr/ligjin e shumë debatuar në seancën e sotme për energjinë energjetike pasi neni 92 i këtij ligji që ka të bëjë me barrën hipotekore ka hasur në paqartësi nga deputetët, të cilët kanë kërkuar më tepër shpjegime. 

Projektligji për energjinë elektrike ka vendosur edhe njëherë mazhorancën aktuale dhe ish-qeverinë Berisha përballë akuzave dhe kundërakuzave për mënyrën e menaxhimit të këtij sektori, gjatë diskutimeve në seancën parlamentare të kësaj të enjteje.
 
Kryeministri Edi Rama ka zgjedhur të flasë me gjuhën e shifrave, e vetmja mënyrë siç tha ai, për tu kuptuar me opozitën. Shefi i mazhorancës e nisi fjalën e tij me situatën e rënduar që ish-qeveria e djathtë e la sektorin e energjisë, duke evidentuar borxhet e KESH-it, OST-së dhe ish- CEZ-it (tashmë OSHEE). I gjithë ky kolaps në sektorin energjetik sipas Ramës, u krijua ngaqë ish-mazhoranca e udhëhequr nga Sali Berisha zgjodhi sipas ti, t’i lë rrugë të hapur shkeljes së ligjit për të garantuar qëndrimin sa më gjatë në pushtet.
 
“Shkelja e ligjit ishin zgjedhje e qartë politike për të mbajtur pushtetin me çdo kusht duke e bërë shtetin copë copë”, u shpreh Rama.  

Pjesa e dytë e të gjithë fjalës së kryeministrit, u fokusua në punën e qeverisë dhe shndërrimin e këtij sektori.  “Shtuam me 40 mln dollarë financimet në gjenerim dhe kaluam në një fazë të re menaxhimi të kaskadës nëpërmjet kontrollit që i jep und ndërhyrjeve politike: lëre të mbushet se do ta shesim, e kur mbushej plot përmbytej gjithë shkodran dhe i thanë ka rënë shiu më i madh i 100 vjetëve të fundit”, u shpreh kreu i qeverisë nga foltorja e Kuvendit.