Në çastin kur të rinjtë nuk arrinin të merrnin studimet në shkollat e larta, ushtria ishte e detyrueshme, kjo ishte dhe praktika kryesore që kryente policia ushtarake përpara hyrjes së vendit të NATO, pra grumbullimin e këtyre të rinjve.
Struktura në fjalë do të ketë një karakter ndryshe, duke marrë dhe kompetencat e një shërbimi informativ, që merr dhe analizon të dhëna. Me ligjin e ri policisë ushtarake i jepet e drejta të ushtrojë ndalime dhe arrestime që parashikohen jo vetëm për ushtarakët por edhe për të gjithë ata persona civilë që punojnë në forcat e armatosura.
“Veprimtaria e Policisë Ushtarake ushtrohet mbi të gjitha subjektet ushtarake e civile, vendase dhe të huaja, me ose pa shtetësi, të cilat me veprimet e tyre cenojnë veprimtarinë e Forcave të Armatosura të Republikës së Shqipërisë brenda e jashtë vendit”.
“Rregullat për realizimin dhe kontrollin e veprimtarisë informative si dhe për ruajtjen e të dhënave miratohen me udhëzim të përbashkët të ministrit të Mbrojtjes dhe prokurorit të Përgjithshëm.”
Ligji i vitit 2003 do të shfuqizohet plotësisht dhe me miratimin e këtij projektligji parashikohen ngritja e 2 strukturave të reja, Policia Kriminale Ushtarake si dhe Policia Gjyqësore në policinë ushtarake.
Në Policinë Ushtarake organizohet dhe funksionon struktura e Policisë Kriminale Ushtarake, si organ i specializuar për parandalimin, zbulimin, ndjekjen e veprimtarisë kriminale, kapjen e personave që kanë kryer ose përgatiten të kryejnë vepra penale ndaj Forcave të Armatosura
Kjo strukturë do të varet nga shefi i shtabit të përgjithshëm. Në raste të jashtëzakonshme, policia ushtarake në bashkëpunim me ministrinë e mbrojtjes merr ehe detyra të tjera që kanë të bëjnë me ruajtjen e institucioneve civile dhe rendit kushtetues.
PDF - Drafti për ligjin e policisë ushtarake
Redaksia Online
(Shqiptarja.com)