POP 5

Lajmet më të lexuara të 5 minutave të fundit

Kultura

Drama ‘Mbyllja e Dashurisë’, premierë në Korçë! Marrin pjesë aktorët e njohur Luiza Xhuvani dhe Vasjan Lami, regjisori francez

Me 2 monologje nga Luiza Xhuvani e Vasjan Lami, në teatrin e Korçës u vu në skenë premiera “Mbyllja e Dashurisë”. Shfaqja trajton fundin e marrëdhënies së një çifti dhe do të jepet edhe në Ar Turbina më 14 e 15 nëntor.

Drama ‘Mbyllja e Dashurisë’, premierë në Korçë! Marrin pjesë aktorët e njohur Luiza Xhuvani dhe Vasjan Lami, regjisori francez

“Mbyllja e Dashurisë” u shfaq premiere të premten në teatrin “Andon Zako Cajupi” të Korçës. Drama e shkruar nga  Pascal Rambe, me regji të Eric Vigner rrëfen fundin e marrëdhënies së një çifti. E përbërë nga dy monologje, erdhi mjeshtërisht me lojën e aktorëve Luiza Xhuvani dhe Vasjan Lami.  Kjo është një vepër tepër interesante, është e konceptuar me dy monologje, ndërkohë që autori dhe regjisori janë francezë.

Për Xhuvanin ishte e treta vepër që punoi me këtë regjisor, ndërsa për shfaqen e veprës në qytetin juglindor ajo u shpreh e kënaqur me publikun Korçar, i cili sipas saj është shumë artdashës.

“Vepra e ripunuar pas pandemisë, e ka nisur siparin e shfaqjes nga qyteti i Korçës”, thotë aktorja e njohur Luiza Xhuvani.

Aktori Vasjan Lama tha se ishte kënaqësi për shfaqjen e veprës në qytetin e Korçës, pasi publiku i këtij qyteti meriton më tepër se kaq.  Shfaqja e parë jashtë Tiranës pas disa kohësh, u mirëprit nga publiku dhe u konsiderua si nismë e mbarë për organizatorët.

Ndërkohë Teatri Kombëtar bën me dije se “Mbyllja e dashurisë” do të jetë mbrëmjet e 14 dhe 15 nëntor në skenën e “ArTurbina” në Tiranë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

BE: Themelimi i Asociacionit çështje urgjente, Kosova dhe Serbia do kenë pasoja nëse nuk zbatojnë marrëveshjet

BE: Themelimi i Asociacionit çështje urgjente, Kosova dhe Serbia do kenë pasoja nëse nuk zbatojnë marrëveshjet

19 Prill, 13:22