POP 5

Lajmet më të lexuara të 5 minutave të fundit

Kronikë

Drejtësia e re merr pushimet verore, dosjet shtohen ne sekretari

Temperaturat e larta të gushit mbyllin dyert e drejtësisë, ku prokurorë e gjyqtarë kanë marrë lejet e zakonshme një mujore. Ata do t'i rikthehen normalitetit në shtator ndërsa 2020, viti në të cilin shqiptarët shpresuan se SPAK do kapte peshqit e mëdhenj dhe do të formohej gjykata kushtetuese nuk shkoi kështu. Gjithçka pritet të nis në vjeshtë ndërsa 2021 do të mbetet sërish një vit shprese se drejtësia e vonuar s'do të përkthehet në drejtësi të mohuar.

TIRANË- Drejtësia e re merr pushimet verore, ndërsa stoku i dosjeve vazhdon të rritet dhe qytetarët mbeten në pritje të drejtësisë. Mbledhjet e fundit për Këshillin e Lartë Gjyqësor i cili do duhej të kishte përzgjedhur kohë më parë gjyqtarët e lartë u mbajt përgjatë javës që lamë pas, ndërsa pritet që ata t'i rikthehen normalitet në vjeshtë përgjatë muajit shtator.

E njëjta situatë edhe me KLP e cila në mbledhjen e saj të fundit në korrik emëroi kreun e byrosë kombëtare të hetimit, Aida Hajnaj. I vetmi institucion që ka zgjedhur të punojë edhe javën e parë të gushtit është shkalla e parë e Vettingut e cila deri më 6 gusht ka planifikuar seanca, ndërsa KPA Kolegji i Posaçëm i Apelimit jo.

Pas më shumë se dy muaj kur gjykatat e vendit qëndruan në karantinë për gjykimet normale, përjashto masat e sigurisë, 1 gushti ato i ka gjetur sërish të mbyllura. Report Tv ka mësuar se nga Gjykata e Posaçme kundër Krimit e Korrupsionit e deri tek gjykata e Sarandës apo Tropojës gjyqtarët kanë marrë lejen dhe do të rikthehen në muajin shtator.

Të vetmet funksione që do të kryhen janë masat e sigurisë dhe kërkesat me afat sipas kodit të procedurës me sistemin e rotacionit me gjyqtarë të gatshëm me nga një javë.

E njëjta situatë paraqitet edhe me prokurorinë e posaçme SPAK e cila sezonin e saj të parë e mbylli me dosjen 339 dhe arrestimet në fshatin Rubjek.

Kjo prokurori do t'i ketë dyert e hapura vetëm me prokuror të gatshëm për afate e kërkesa penale ndërsa për çdo denoncim qytetarët do duhet ta dërgojnë me postë për efekt të kushteve të pandemisë.

Përgjatë 2020 u prit shumë që në funksionim normal të futen Gjykata e Lartë dhe Kushtetuese, por as kjo pritshmëri nuk u arrit duke bërë që 2021 të jetë sërish një vit shprese se postulate drejtësi e vonuar është drejtësi e mohuar s'do të gjej vend për shqiptarët.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Leli: 02/08/2020 08:27

    Nuk e kam kuptuar kurre qe gjykatat mbyllen ne gusht. Per pushime. Si mundet institucioni te mbyllet?!! Po le mos pushojne kur kane kaq pune. Te rrijne orara pa orar dhe ti mbyllin gjitha dosjet. Ceshte kjo marrin pushimet. Asnje institucion nul le punen ne mes. Por e mer lejen me grafik qe puna mos ngecet. Keta i futin nje te kycur gjith institucionit dhe te fala. Normale eshte kjo??

    Përgjigju
  • Xnxndjf: 01/08/2020 18:33

    Drejtesia e Re?! Ca jane keto terma bolshevike!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

24 Nëntor, 11:21