"Drejtësia", ja çfarë mendon
Moisiu, Sollaku e Fehmi Abdiu

Vajtje-ardhjet e PD-së në tryezën e ekspertëve dhe në fund braktisja e saj për ish-presidentin e republikës Alfred Moisiu përkthehen si tentativë për ta bllokuar reformën në drejtësi. Për aq kohë sa në krah të ekperëteve të maxhorancës, shfaqen dhe ata të Euralius dhe Opdate, sipas ish-kreut të shtetit, drafti final ka bekimin dhe të ndërkombëtarëve.

"Me kohë janë dukur shenja që pavarësisht se në pamje të parë e pranojnë, nën të punojnë kundër reformës dhe unë që opozita për fat të keq nuk ka qënë dakord me reformën"-thotë Moisiu

Ndërsa për ish-kryeprokurorin Theodhori Sollaku, ndryshimet në Drejtësi duhet të hynin në fuqi mandatin e ardhshëm qeverisës, për t’i krijuar klasës politike mundësinë për të mos u konsideruar si uzurpuese e këtij sektori. 

"Edhe mos miratimi i këtyre ndryshimeve, në qoftë se do të ecet në këtë rrugë që do të verifikojnë pasurinë s'do të bëhet gjë tjetër vec që do të merren dosjet e Inspektoriatit dhe do të shihen, janë në rregull apo jo. Le te miratohen ndryshimet kushtetuese por bie darkord që ato do te hyjnë në fuqi në Kuvendin e ardhshëm, shumë e rëndësishme për të qënë Fair. Ke mundësi pastaj të thonë që nuk e bëmë ndryshimin kushtetues për të kapur Drejtësinë por e bëmë sepse ne mendojmë që kjo do t'i shërbejnë më mirë luftës kundër korrupsionit, kundër krimit të organizuar, pastrimit të drejtësisë."-thotë Sollaku 

Ndrëpreja e mandatit të Prokurorit të Përgjithshëm,i përfshirë në draftin e mazhorancës, që do t’i kalojë për interpretim dhe Komsionit të venecias, sipas një tjetër juristi të njohur, ish-kryetarit të Gjykatës Kushtetuese Fehmi Abdiu, është një gabim ligjor.

"Prerja e mandateve për zyrtarë të veçantë të lartë sjell në kuptimin konceptual drame, dëmton demokracinë, sigurinë, ndjenjën e përgjegjësisë se Zyrtarëve për të përmbushur detyrën rigorozisht. deri në ditën që ato e kanë fituar mandatin konfomë standarteve të kushtetutës."-shprehet Abdiu 

Juristët përkrahin variantin e LSI-së për të rikthyer shumicën e cilësuar në zgjedhjen e Presidentit të Republikës.

"Të diskutosh për zgjedhjen e anëtarëve të Gjykatës së Lartë dhe Gjykatës Kushtetuese me 84 apo 93 vota dhe të lesh presidentin me 71! Kjo është, nuk e di çfarë emri t'i ve. Presidenti i republikës tek ne duhet të zgjidhet nga populli"

Me reformën në drejtësi, një sërë institucionesh të këtij sektori shkrihen, një pjesë riformatohen , ndërsa një pjesë krijohen nga e para.

"Është një nga gabimet që domos do duhet riparuar aq me tepër që të dy grupimet e ekspertëve por dhe më gjerë me të drejtë pranojnë se edhe gjyqtarë të lartë duhet te zgjidhen me më shumë se gjysmat e votave të deputetëve, domos do duhet të reflektojnë patjetër për të shkuar minimalisht tëk alternativa e parë tëk zgjidhja që ishtë më parë në kushtetutë për presidentin e Republikës."-shprehet Abdiu/ Report TV

Redaksia online
(s.m/shqiptarja.com)