Grupi parlamentar demokrat  i  thirrur nga kryetari i grupit Edi Paloka  ka përcaktuar folësit në seancën e së enjtes ndërsa  anëtari i komisionit të posaçëm për reformën në drejtësi  Eduart Halimi  ka prezantuar  para  deputetëve të PD  qëndrimin që opozita ka në lidhje me këtë reformë.

Në mbledhjen me dyer të mbyllura, Eduart Halimi  është shprehur se për Partinë Demokratike është e panegociueshme ndërhyrja në kompetencat e Presidentit të Republikës.

Ndërkaq  pritet  që në komisionin e posaçëm për reformën në drejtësi të prezantohet drafti i maxhorancës.

Mbledhja e grupit parlamentar demokrat u drejtua nga Edi Paloka pasi kryetari i PD Lulzim Basha  merr pjesë në Bruksel në një takim të Partive Popullore Europian.

Redaksia Online
(F.T/shqiptarja.com)